An Pagkamuot an Midbidan kan Tunay na mga Kristiyano—Ingatan an Mahalagang Marhay na Pagkasararo

KUN TAANO TA MAHALAGA: Kan banggi bago siya magadan, ipinamibi ni Jesus na an saiyang mga disipulo “lubos na magkasararo.” (Ju 17:23, nota sa ibaba) Tanganing magdanay na nagkakasararo, kaipuhan tang magpahiling nin pagkamuot, na ‘dai nagbibilang nin mga maraot na ginibo sa sato nin iba.’—1Co 13:5.

KUN PAANO GIGIBUHON:

• Arugon si Jehova paagi sa paghiling kan marahay na mga kuwalidad kan iba

• Lubos na magpatawad

• Pagkatapos husayon an problema, dai na iyan pag-ungkaton giraray.—Tal 17:9

HILINGON AN VIDEO NA ‘MAGKAMINURUOT-MUUTAN KAMO’—DAI MAGKUWENTA KAN DANYOS, DANGAN SIMBAGON AN MINASUNOD NA HAPOT:

• Sa inot na kabtang kan video, paano ipinarisa ni Helen na ‘pigbibilang niya an mga maraot na ginibo sa saiya nin iba’?

• Sa ikaduwang kabtang kan video, paano nadaog ni Helen an negatibong kaisipan asin paano siya nagkaigwa nin positibong pagmansay?

• Sa katapos-tapusi, paano si Helen nakadagdag sa pagkasararo kan kongregasyon?