Nahihiling Mo Daw an Dai Nahihiling na mga Kuwalidad nin Diyos?

Pag pinagmamasdan mo an sarong makulor na burak, an mabituon na kalangitan, o makusog na bagsak nin tubig kan busay, naiisip mo daw an saro na naglalang kan mga iyan? An mga linalang sa palibot ta malinaw na naghahayag kan dai nahihiling na mga karakteristiko o kuwalidad ni Jehova. (Ro 1:20) Pag minapundo kita para maghurop-hurop sa mga nahihiling kan satong mata, mahihiling ta an kapangyarihan, pagkamuot, hustisya, asin kadunungan nin Diyos, pati na an saiyang pagkabukas-palad.—Sal 104:24.

Ano an pira sa mga linalang ni Jehova na nahihiling mo kada aldaw? Dawa nakaistar ka sa siyudad, makakahiling ka nin mga gamgam o mga kahoy. An pagmasid sa mga linalang ni Jehova makakatabang sa sato na mabawasan an satong paghadit, makapokus sa mas mahalagang mga bagay, asin pakusugon an satong pagtitiwala sa kakayahan ni Jehova na atamanon kita sagkod lamang. (Mat 6:25-32) Kun may mga aki ka, tabangan sindang mahiling an daing kapantay na mga kuwalidad ni Jehova. Mantang nag-uurog an satong pag-apresyar sa mga linalang sa palibot ta, mas lalo kitang mapaparani sa satong Kaglalang.—Sal 8:3, 4.

HILINGON AN VIDEO NA AN KAHANGA-HANGANG MGA LINALANG NAGHAHAYAG KAN KAMURAWAYAN NIN DIYOS—LIWANAG ASIN KULOR, DANGAN SIMBAGON AN MINASUNOD NA MGA HAPOT:

• Paanong paagi sa pigment nakakahiling kita nin mga kulor?

• Paano nangyayari an iridescence?

• Taano ta manlain-lain na kulor an nahihiling ta sa kalangitan?

• Anong magagayon na kulor kan mga linalang an natatanaw mo sa luwas kan harong nindo?

• Taano ta dapat tang tawan nin panahon an pagmasid sa mga linalang sa palibot?