Pagpauswag kan Satong Kakayahan sa Ministeryo​—Paggibo nin Magayon na Surat

KUN TAANO TA MAHALAGA: An libro nin 1 Corinto saro sa 14 surat ni apostol Pablo para pakusugon an mga kapwa niya Kristiyano. Sa paggibo nin surat, maingat na nakakapili nin mga tataramon an saro, asin an surat puwedeng pauruutrong basahon kan makakaresibi. An pagsurat sarong marahay na paagi para makapagpatotoo sa mga paryente asin mga kamidbid. Epektibong paagi man iyan tangani na mapatotoohan ta idtong mga dai niyato nakakaulay nin personal. Halimbawa, tibaad may nagpahiling nin interes pero masakit siyang maabutan sa harong. An iba sa satong teritoryo posibleng dipisil na hulitan huling nakaistar sinda sa guwardiyadong marhay na mga apartment, subdibisyon, o nasa hararayong lugar. Anong nagkapirang bagay an dapat niyatong isaisip, lalo na kun nagsusurat sa dai ta kamidbid?

KUN PAANO GIGIBUHON:

• 

  Isurat kun ano an sasabihon mo kun personal mo siyang kaulay. Magpamidbid sa kapinunan kan surat, asin malinaw na sabihon an dahilan kun taano ta nagsurat ka. Puwede kang magtao nin hapot para pag-isipan niya, asin sambiton sa saiya an satong website. Dangan ipaaram sa saiya an mapadapit sa Online Bible Study Lessons, ipaliwanag saiya an ginigibo tang programa nin pagtutukdo sa Bibliya sa mga harong, o sambiton an nagkapirang titulo kan kapitulo sa saro sa mga ginagamit tang pantabang sa pag-adal. Puwedeng ibanan nin literatura an saimong surat, arog kan contact card, imbitasyon, o tract

• Gibuhon na halipot sana an surat. Dai iyan palabaon ta tibaad mapagal an mabasa asin dai na niya iyan tapuson.—Hilingon an sampol na surat

• Basahon iyan na marhay asin siguraduhon na daing mga sala, pasil basahon, saka malinig. Siguraduhon man na gumamit nin mabuot, mataktika, asin positibong pananaram. Bugtakan iyan nin supisyenteng selyo o stamp