KAYAMANAN NA YAON SA TATARAMON NIN DIYOS | COLOSAS 1-4
Hubaon an Lumang Personalidad, Asin Isulot an Bago
Naggibo ka daw nin dakul na pagbabago sa saimong personalidad kan maaraman mo an katotoohan? Makakasigurado ka na naugma si Jehova sa mga paghihinguwa mo. (Eze 33:11) Pero, kaipuhan an padagos na paghihinguwa para malikayan na magluwas an ugali kan lumang personalidad asin padagos na maipahiling an bagong personalidad. Simbagon an minasunod na mga hapot para mahiling kun arin pa an puwede mong mapauswag:
Padagos daw akong naghihinanakit sa nakagibo sa sako nin sala?
Nagigin mapasensiya daw ako dawa pag naghihidali o pagal ako?
Kun may nagsabong na imoral na bagay sa isip ko, hinahali ko daw tulos iyan?
Igwa daw ako nin negatibong impresyon sa mga tawo na iba an rasa o nasyonalidad?
Nakataram daw ako nin bakong magayon sa iba o nawaran nin pagpupugol kaining mga nakaagi?