Ano an Manunudan Mo sa Orihinal na mga Kanta?

Ano an pira sa paborito mong orihinal na mga kanta? Taano ta paborito mo iyan? Kapareho daw kan nasa video an nangyayari sa aroaldaw na buhay? Sa kadakul na manlain-lain na tema saka istilo kan musika, siguradong igwa diyan nin magugustuhan an gabos. Pero an orihinal na mga kanta saka mga music video bako sanang nakakalibang.

An lambang orihinal na kanta may itinutukdong kapaki-pakinabang na mga leksiyon na maiaaplikar ta sa satong Kristiyanong pamumuhay asin ministeryo. May mga kanta na idinuduon an pagigin mapag-istimar, pagkasararo, pakikiamigo, kusog nin buot, pagkamuot, o pagtubod. An ibang kanta nagpapahiling kun paano makakabalik ki Jehova, magpatawad, pagdanayon an integridad sa aroaldaw, asin umabot nin espirituwal na mga pasuhan. Igwa pa ngani nin orihinal na kanta manungod sa balanseng paggamit nin cellphone. Ano pang kapaki-pakinabang na mga leksiyon an nanudan mo sa orihinal na mga kanta?

HILINGON AN MUSIC VIDEO KAN ORIHINAL NA KANTA NA NATATANAW NA, DANGAN SIMBAGON AN MINASUNOD:

• Anong mga bendisyon sa maabot an iniisip-isip kan mag-agom?—Ge 12:3

• Paano niyato mapapakusog an pagtubod ta sa kakayahan ni Jehova na utubon an saiyang mga panuga?

• Anong maugmang reunion an haranihon nang mangyari?

• Paano nakakatabang sato an paglaom sa Kahadian para matagalan an inaagihan na mga kasakitan?—Ro 8:25