Maugmang Umawon si Jehova Paagi sa Kanta

Inumaw ni Pablo asin Silas si Jehova paagi sa kanta mantang nakapreso sinda. (Gi 16:25) Siguradong an pagkanta ninda nakapakusog sa sainda na magtagal. Kumusta man kita ngunyan? An mga kanta na ginagamit ta sa pagsamba asin an orihinal na mga kanta puwedeng makapakusog sa sato asin makatabang na magdanay na maimbod pag nag-aagi nin pagbalo. Urog sa gabos, nauumaw kaiyan si Jehova. (Sal 28:7) Dinadagka man kita na tuumon an mga liriko kan kisiyera pira sa mga kanta. Napurbaran mo na daw iyan? Puwede niyatong gamiton an satong pampamilyang pagsamba tanganing praktison an mga kanta asin magin pamilyar sa mga liriko kaiyan.

HILINGON AN VIDEO NA MGA AKI NA INUUMAW SI JEHOVA PAAGI SA KANTA, DANGAN SIMBAGON AN MINASUNOD NA MGA HAPOT:

• 

  Ano an marahay na epekto sa sato kan pagkanta nin mga kantang pang-Kahadian?

• 

  Paano nag-aandam an Audio/Video Department sa pagrekord nin sarong sesyon sa pagkanta?

• 

  Paano nag-aandam an mga aki asin an saindang pamilya para sa sarong sesyon sa pagrekord?

• 

  Ano an paborito mong mga kanta na pang-Kahadian, asin taano?