PAMUMUHAY BILANG KRISTIYANO

Magin Mapakumbaba Pag Inuumaw Ka kan Iba

Kun minsan, tibaad umawon, o komendaran, kita kan iba. Nakakapakusog iyan sa sato kun iyan sinsero asin tama an motibo. (Tal 15:23; 31:10, 28) Pero dapat kitang mag-ingat tanganing dai iyan magin dahilan na makamati kita na mas halangkaw kita sa iba asin magin orgulyoso.

HILINGON AN VIDEO NA MAGIN MAIMBOD, AROG NI JESUS—PAG INUUMAW, DANGAN SIMBAGON AN MINASUNOD NA HAPOT:

Ano an pirang bagay na puwedeng magin dahilan na umawon kita kan iba?
Paano si Sergei inumaw kan mga tugang?
Paano nagin sobra na an saindang pag-umaw?
Anong mga leksiyon an nanudan mo sa mapakumbabang reaksiyon ni Sergei?

Eksena sa video na ‘Magin Maimbod, Arog ni Jesus—Pag Inuumaw,’ kun sain si Sergei yaon sa sarong pagturutiripon sa harong kan sarong tugang asin nagin mapakumbaba siya dawa ngani sobra-sobra an pag-umaw saiya kan mga tugang na sinsero man.