KAYAMANAN NA YAON SA TATARAMON NIN DIYOS | EXODO 10-11

Nagpahiling si Moises Asin Aaron nin Pambihirang Kusog nin Buot

10:3-6, 24-26, 28; 11:4-8

Nagpahiling si Moises asin Aaron nin pambihirang kusog nin buot kan makipag-ulay sinda ki Faraon, an pinakamakapangyarihan na tawo sa kinaban kan panahon na iyan. Paano ninda nagibo iyan? Kun manungod ki Moises, an Bibliya nagsasabi: “Paagi sa pagtubod, naghali siya sa Ehipto, alagad dai siya natatakot sa kaanggutan kan hadi, huli ta nagpadagos siyang marigon na garo nahihiling an Saro na dai nahihiling.” (Heb 11:27) Makusog an pagtubod ni Moises asin Aaron ki Jehova asin nagsarig sinda sa saiya.

Anong mga sitwasyon an nangangaipo nin kusog nin buot para maipahayag mo an saimong pagtubod sa saro na nasa awtoridad?

Mga ritrato: Mga sitwasyon na kaipuhan tang magin makusog an buot. 1. Sarong aking lalaki sa eskuwelahan na tuninong sanang nakatindog mantang an iba nagsasaludo sa bandera. 2. Sarong brother na nakatindog sa atubangan kan korte. 3. Sarong hoben na brother na nag-aalok nin tract sa kagharong mantang nakatanaw sa harani an sarong pulis.