Dai Magpalakop nin Bakong Totoong mga Impormasyon

Sa ngunyan, madalion nang maipasa sa minilyon na tawo an mga impormasyon paagi sa mga babasahon, radyo, TV, asin Internet. An mga nagsasamba sa “Diyos nin katotoohan” dai mapalakop nin salang impormasyon, dawa sa dai tinutuyong paagi. (Sal 31:5, NWT; Ex 23:1) An bakong totoong mga impormasyon na ipinapasa sa iba puwedeng magkaigwa nin maraot na resulta. Para maaraman kun baga totoo an sarong impormasyon, haputon an sadiri:

• ‘Masasarigan daw an pinaghalian kan impormasyon?’ Puwedeng dai aram kan nag-iistorya an gabos na detalye. An mga istoryang naipasa-pasa na sa iba puwede talagang mabago, kaya mag-ingat pag dai mo sigurado kun kiisay talaga hali an impormasyon. Huling an mga may pribilehiyo sa kongregasyon pinagkakatiwalaan na magtao nin masasarigan na mga impormasyon, dapat na lalo sindang magin maingat na dai makapasa nin bakong beripikadong impormasyon

• ‘An impormasyon daw nakakaraot sa iba?’ Kun nakakaraot iyan sa marahay na pangaran nin sarong tawo o grupo, dai ta na iyan ipangistorya pa.—Tal 18:8; Flp 4:8

• ‘Kapani-paniwala daw an istorya?’ Mag-ingat pag nakakadangog nin pambihirang marhay na mga istorya asin eksperyensiya

HILINGON AN VIDEO NA PAANO KO MAPAPAPUNDO AN TSISMIS? DANGAN SIMBAGON AN MINASUNOD NA MGA HAPOT:

• 

  Uyon sa Talinhaga 12:18, ano an puwedeng magin maraot na epekto kan satong mga tataramon?

• 

  Paano sato makakatabang an Filipos 2:4 na magin balanse sa mga iniistorya ta manungod sa iba?

• 

  Ano an dapat tang gibuhon kun nagigin sarkastiko o negatibo na an sinasabi kan sarong tawo manungod sa iba?

• 

  Bago kita mag-istorya manungod sa iba, ano an mga dapat tang ihapot sa satong sadiri?