Magin Mapagmalasakit

Pag an saro mapagmalasakit, o may empatiya, buot sabihon naiintindihan niya an iniisip, namamatian, pamantayan sa buhay, saka pangangaipo kan iba. Kun hali sa puso an kagustuhan ta na tabangan an iba, mas madali kitang makakapahiling nin pagmalasakit, asin maririsa ninda iyan. Kun nagpapahiling kita nin empatiya pag nasa ministeryo, naipapahiling ta an pagkamuot saka pagmalasakit ni Jehova, kaya napaparani an mga tawo sa saiya.—Flp 2:4.

An pagigin mapagmalasakit bako sanang basta sarong pamamaagi sa pagtukdo; naipapahiling ta iyan sa satong pagdangog, pagtaram, hiro, mustra, saka ekspresyon kan satong lalawgon. Nagigin mapagmalasakit kita pag nagpapahiling kita nin sinserong interes sa iba. Isinasaisip ta an pinagkakainteresan ninda, tinutubod, saka sitwasyon. Nagtatao kita nin praktikal na impormasyon asin tabang pero dai ta siya pinipirit na magbago. Asin pag nagtugot sinda na tabangan ta sinda, mas lalo kitang nagigin maugma sa ministeryo.

HILINGON AN VIDEO DRAMATIZATION NA MAGIN MAUGMA SA PAGGIBO NIN DISIPULO—PAUSWAGON AN SAIMONG KAKAYAHAN SA PAGTUTUKDO—MAGIN MAPAGMALASAKIT, DANGAN SIMBAGON AN MINASUNOD NA MGA HAPOT:

• 

  Paano nagpahiling nin pagmalasakit si Neeta kan huring mag-abot si Jade?

• 

  Paano nagpahiling nin pagmalasakit si Neeta kan sabihon ni Jade na dai siya mapa-study ta stress siyang marhay?

• 

  Paano nagpahiling nin pagmalasakit si Neeta kan sabihon ni Jade na bako siyang gayong organisado?