Magbangon nin Hapot

Gusto ni Jehova, an “maugmang Diyos,” na magin maugma kita sa ministeryo. (1Ti 1:11) Magigin lalong maugma kita mantang pinapauswag ta an satong mga kakayahan. An pagbangon nin hapot nakakapukaw nin interes asin saro iyan na magayon na paagi para makapuon nin pag-uulay. An mga hapot nakakadagka sa mga tawo na mag-isip asin mangatanusan. (Mat 22:41-45) Paagi sa paghapot dangan pagdangog sa simbag, garo ta man sana sinasabi, ‘Mahalaga ka sa sako.’ (San 1:19) An simbag kan kaulay ta makakatabang sa sato kun paano ta mas marahay na maipapadagos an pag-uulay.

HILINGON AN VIDEO DRAMATIZATION NA MAGIN MAUGMA SA PAGGIBO NIN DISIPULO—PAUSWAGON AN SAIMONG KAKAYAHAN SA PAGTUTUKDO—MAGBANGON NIN HAPOT, DANGAN SIMBAGON AN MINASUNOD NA MGA HAPOT:

• 

  Anong magayon na mga kuwalidad an ipinahiling ni Jade?

• 

  Paano si Neeta naggamit nin mga hapot para ipahiling an saiyang personal na interes?

• 

  Paano si Neeta naggamit nin mga hapot para lalong magkainteres si Jade sa maugmang bareta?

• 

  Paano si Neeta naggamit nin mga hapot para tabangan si Jade na mag-isip asin mangatanusan?