Akuon an Tabang ni Jehova Paagi sa Pamibi

Si Jehova an nagpapatalubo sa banhi nin katotoohan sa puso nin tawo. (1Co 3:6-9) Kaya, tanganing magin mapanggana sa ministeryo, dapat kitang magsarig ki Jehova para tabangan kita saka an satong mga tinutukduan sa Bibliya.

Hagadon ki Jehova na tabangan an mga tinutukduan mo na matagalan an mga panggigipit saka makayanan an mga ulang. (Flp 1:9, 10) Magin espesipiko. Ipamibi na lugod giyahan kan banal na espiritu an saimong kaisipan saka mga ginigibo. (Lu 11:13) Tukduan an mga Bible study mo kun paano mamibi, asin dagkahon sinda na gibuhon iyan. Mamibi kaiba ninda saka para sa sainda, asin banggiton an pangaran ninda.

HILINGON AN VIDEO DRAMATIZATION NA MAGIN MAUGMA SA PAGGIBO NIN DISIPULO—AKUON AN TABANG NI JEHOVA—PAMIBI, DANGAN SIMBAGON AN MINASUNOD NA MGA HAPOT:

• Ano an nagin problema ni Neeta sa pag-study niya ki Jade?

• Paano nakatabang ki Neeta an 1 Corinto 3:6?

• Paano nasolusyunan an problema ni Neeta?