Tabangan an mga Tinutukduan sa Bibliya na Mahali an Maating mga Gibo

An mga malinig sa moral sana an puwedeng magkaigwa nin dayupot na relasyon ki Jehova. (1Pe 1:14-16) Mantang nagmamaigot an mga tinutukduan sa Bibliya na mahali an maating mga gibo, puwede man na maeksperyensiyahan ninda an marahay na epekto kaiyan sa saindang pamilya, salud, asin pinansiyal.

Ipaliwanag nin malinaw an mga pamantayan ni Jehova sa moral, an mga dahilan kun taano ta itinao niya iyan, asin an mga pakinabang sa pagsunod diyan. Magpokus sa pagtabang sa saimong mga tinutukduan na mabago an saindang paagi nin pag-iisip, asin pagkatapos kaiyan masusunod na ninda an mga gusto ni Jehova. (Efe 4:22-24) Asiguraron sinda na sa tabang ni Jehova magigibo nindang halion an haloy nang maating mga gibo ninda. (Flp 4:13) Tukduan sinda na makimahirak ki Jehova na tabangan sinda pag natetentaran sinda na magkasala. Tabangan sinda na mahiling asin likayan an mga sitwasyon kun sain puwede sindang matentaran. Dagkahon sinda na salidahan an saindang maating mga gibo nin mga aktibidad na kapaki-pakinabang sa sainda. Mauugma ka pag nahihiling mo an mga tinutukduan sa Bibliya na naggigibo nin mga pagbabago sa tabang ni Jehova.

HILINGON AN VIDEO DRAMATIZATION NA TABANGAN AN SAIMONG MGA TINUTUKDUAN SA BIBLIYA NA MAHALI AN MAATING MGA GIBO, DANGAN SIMBAGON AN MINASUNOD NA MGA HAPOT:

• 

  Paano ipinahiling kan mga elder saka ni Neeta na nagtitiwala sinda ki Jade?

• 

  Paano pa tinabangan ni Neeta si Jade?

• 

  Paano si Jade naghagad nin tabang ki Jehova?