Tabangan an mga Tinutukduan sa Bibliya na Magin Harani ki Jehova

Gusto ni Jehova na maglingkod kita sa saiya huling namumutan ta siya. (Mat 22:37, 38) An pagkamuot sa Diyos an makakatao nin kusog sa mga tinutukduan sa Bibliya para gumibo nin kinakaipuhan na mga pagbabago asin marigon na manindugan pag nag-aagi nin mga pagbalo. (1Ju 5:3) An pagkamuot ninda sa Diyos an mapahiro sa sainda na magpabawtismo.

Tabangan an mga tinutukduan mo na mahiling na namumutan sinda nin Diyos. Maggamit nin arog kaining mga hapot: “Ano an itinutukdo kaini sa saimo manungod ki Jehova?” o “Paano ipinapahiling kaini an pagkamuot ni Jehova sa saimo?” Tabangan sinda na mahiling kun paano sinda tinatabangan ni Jehova. (2Cr 16:9) Iistorya kun paano sinimbag ni Jehova an saimong espesipikong mga pamibi, asin dagkahon sinda na magin mapagrisa kun paano sinisimbag ni Jehova an mga pamibi ninda. Makakamati kita nin dakulang kaugmahan pag nahihiling tang namamati kan mga tinutukduan sa Bibliya na namumutan sinda ni Jehova asin ipinapahiling man ninda an pagkamuot ninda sa saiya asin na gusto nindang magin harani sa saiya.

HILINGON AN VIDEO DRAMATIZATION NA TABANGAN AN SAIMONG MGA TINUTUKDUAN SA BIBLIYA NA MAGIN HARANI KI JEHOVA, DANGAN SIMBAGON AN MINASUNOD NA MGA HAPOT:

• 

  Anong ulang an napaatubang ki Jade?

• 

  Paano ni Neeta tinabangan si Jade?

• 

  Paano napangganahan ni Jade an ulang na napaatubang sa saiya?