MAGIN ANDAM SA MINISTERYO | MAGIN LALONG MAUGMA SA MINISTERYO
Tukduan an mga Bible Study na Personal na Mag-adal
Tanganing mapaniguan an mga pangangaipo sa espirituwal kan mga tinutukduan sa Bibliya saka umuswag sinda sa espirituwal na pagkamaygurang, bako sanang an mga katotoohan na itinutukdo ta sainda an dapat na manudan ninda. (Mat 5:3; Heb 5:12–6:2) Dapat man nindang manudan kun paano personal na mag-adal.
Sa puon pa sana, ipahiling na sa mga Bible study mo kun paano mapreparar sa pag-adal nindo, saka dagkahon sinda na gibuhon iyan. (mwb18.03 6) Dagkahon sinda na mamibi bago kan kada personal na pag-adal ninda. Tabangan sinda sa pag-access saka paggamit kan mga digital tool sa pag-adal. Ipaliwanag kun paano ninda mahihiling an mga bago sa jw.org saka JW Broadcasting®. Puwede mo man na tukduan sinda kun paano babasahon an Bibliya aroaldaw, sa sunod kun paano mahanda sa mga pagtiripon kan kongregasyon, tapos kun paano mag- research kan simbag sa mga hapot ninda. Tabangan sinda na hurop-hurupon an mga nanunudan ninda.
HILINGON AN VIDEO DRAMATIZATION NA TABANGAN AN SAIMONG MGA TINUTUKDUAN SA BIBLIYA NA PERSONAL NA MAG-ADAL, DANGAN SIMBAGON AN MINASUNOD NA MGA HAPOT:
Paano tinabangan ni Neeta si Jade na maintindihan na bako sana basta pag-aram kan mga simbag an kaipuhan sa pag-adal?
Ano an nakatabang ki Jade na makumbinsir na tama na ipagbawal ni Jehova an seksuwal na imoralidad?
Tukduan an mga Bible study mo na mag-adal saka isabuhay an mga nanunudan niya
Ano an naintindihan ni Jade manungod sa paghurop-hurop?