May Katapusan an Gabos na Kasakitan

Puwedeng madisganar kita huli sa mga kasakitan, lalo na pag haloy ta nang tinatagalan iyan. Aram ni David na an pagsakit niya huli ki Hading Saul matatapos man asin na magigin hadi siya, arog kan ipinanuga ni Jehova. (1Sa 16:13) Natabangan si David kan pagtubod niya na magin mapasensiya asin maghalat ki Jehova.

Pag may problema, puwedeng makatabang sa sato an alistong isip, kaaraman, o kakayahan na mag-isip para mabago an satong sitwasyon. (1Sa 21:12-14; Tal 1:4) Pero may mga kasakitan man na dai tulos nasosolusyunan dawa ginibo ta na an gabos na magigibo ta kauyon kan mga prinsipyo kan Bibliya. Sa arog kaiyan na mga sitwasyon, dapat kitang magin mapasensiya asin maghalat ki Jehova. Sa dai na mahahaloy, tatapuson niya an gabos tang pagsakit asin “papahidon niya an lambang luha” sa satong mga mata. (Kap 21:4) Masolusyunan ta man an problema ta huli sa tabang ni Jehova o kan iba pang bagay, ini an sigurado: May katapusan an gabos na kasakitan. An katotoohan na ini makakaranga sa sato.

HILINGON AN VIDEO NA NAGKAKASARARONG BANWAAN SA SARONG NABABANGANG KINABAN, DANGAN SIMBAGON AN MINASUNOD NA MGA HAPOT:

• Anong mga problema an naeksperyensiyahan kan ibang mga Kristiyano sa timog na parte kan Estados Unidos?

• Paano sinda nagpahiling nin pagpapasensiya asin pagkamuot?

• Paano sinda padagos na nagpokus sa “mas importanteng mga bagay”?—Flp 1:10