Atubangon an Kasakitan sa Pagbuhay na May Kumpiyansa

An buhay sa huring mga aldaw pano nin kasakitan. Mantang nagrarani kita sa katapusan kan sistemang ini nin mga bagay, siguradong magrabe pa an mga kasakitan. May mga panahon na makakaeksperyensiya kita nin pagkatikapo. (Hab 3:16-18) Ano an makakatabang sato na maatubang an kasakitan sa pagbuhay na may kumpiyansa? Dapat na padagos kitang magtiwala sa satong Diyos, si Jehova. Nanuga siya na aatamanon niya an saiyang mga lingkod, asin kaya niya kitang tawan kan satong mga pangangaipo sa ano man na kamugtakan.—Sal 37:18, 19; Heb 13:5, 6.

Kun ano an puwede mong gibuhon:

• Maghagad ki Jehova nin paggiya, kadunungan, asin suporta.—Sal 62:8

• Magin andam na mag-ako nin trabaho na dai mo pa lamang nagibo.—g-TG 1/10 8-9, kahon

• Papagdanayon an marahay na espirituwal na rutina, kaiba an aroaldaw na pagbasa kan Tataramon nin Diyos, pag-atender sa mga pagtiripon kan kongregasyon, saka pakikikabtang sa ministeryo

HILINGON AN VIDEO NA MAGTUGDOK NIN MATIBAY NA HARONG—MAGIN ‘KONTENTO SA KUN ANO AN IGWA KAMO,’ DANGAN SIMBAGON AN MINASUNOD NA MGA HAPOT:

• Anong mga kadipisilan an napaatubang sa nagkapirang mga pamilya?

• Ano an pinakaimportante sa buhay?

• Paano kita makakatabang sa mga nag-aagi nin mga kasakitan sa pagbuhay?