PAMUMUHAY BILANG KRISTIYANO
Mga Pastor na Nagpapagal Para sa Ikakarahay kan Banwaan ni Jehova
Dakul na tawo an may negatibong pagmansay sa mga indibidwal na may awtoridad. Dai ta sinda mababasol. Huling sa kasaysayan, haloy nang ginagamit kan mga tawo an saindang awtoridad para sa saindang sadiring kapakinabangan. (Mik 7:3) Nagpapasalamat nanggad kita na an mga elder sa kongregasyon sinanay na gamiton an saindang awtoridad para sa ikakarahay kan banwaan ni Jehova.—Est 10:3; Mat 20:25, 26.
Bakong arog kan mga may awtoridad sa kinaban na ini, hinihinguwa kan mga elder na isagibo an papel ninda bilang mga paraataman huling namumutan ninda si Jehova asin an saiyang banwaan. (Ju 21:16; 1Pe 5:1-3) Paagi sa paggiya ni Jesus, tinatabangan kan mga pastor na ini an lambang parahayag na mamatian nindang parte sinda kan pamilya nin mga parasamba ni Jehova asin na magdanay sindang harani ki Jehova. Alisto sinda sa pagtao nin espirituwal na tabang sa mga karnero ni Jehova asin nin medikal na asistensiya pag may emerhensiya o pag may kalamidad. Kun kaipuhan mo nin tabang, taano ta dai ka magdulok sa sarong elder sa saindong kongregasyon?—San 5:14.
HILINGON AN VIDEO NA MGA PASTOR NA NANGANGATAMAN SA ARIPUMPON, DANGAN SIMBAGON AN MINASUNOD NA MGA HAPOT:
Paano nakinabang si Mariana sa tabang na itinao kan mga elder?
Paano nakinabang si Elias sa tabang na itinao kan mga elder?
Ano an epekto kan mga eksperyensiyang ini sa pagmansay mo sa gibuhon kan mga elder?