Gamiton an Home Page kan JW.ORG sa Saimong Ministeryo

An home page kan satong website nagtatampok nin mga artikulo asin mga video na dinisenyo para makua an interes kan mga tawong igwa nin pusong nasa tamang kamugtakan. (Gi 13:48) Parati kaiyan na itinatampok an mga tema na nasa mga bareta o na iniisip saka pinag-uurulayan kan mga tawo.

Paano mo magagamit an home page kan jw.org sa saimong ministeryo?

• Regular na buksan an website. Hilingon kun ano an tampok ngunyan, asin pag-isipan kun paano mo iyan puwedeng gamiton para tabangan an sarong interesado. (Para mahanap an iba pang mga materyal na dai pa sana nahahaloy na itinampok sa home page, i-click an “Hilingon an Iba Pa.”) Pag up-to-date ka sa satong website makakatabang iyan na magkaigwa ka nin bagong mga ideya na magagamit mo sa ministeryo.

• Gamiton an mga artikulo asin video na tampok sa home page para makapuon nin pakikipag-ulay. An materyal na ini makakatao sa sato nin ideya sa kun ano an posibleng iniisip kan mga tawo sa teritoryo.

• Ipahiling an home page. Magtampok nin espesipikong mga tema, asin ipahiling sa kaulay mo kun paano i-navigate an website.

• Mag-share nin link. May mga tawo na bakong komportable na makipag-ulay nin personal sa sato, pero okey sainda na buksan an satong website. Kaya dai magduwa-duwa na i-share sa mga interesado an link kan satong home page o kan sarong espesipikong artikulo o video na tampok diyan.