Pagpauswag kan Satong Kakayahan sa Ministeryo—Magin Pamilyar sa Paggamit kan JW.ORG

KUN TAANO TA MAHALAGA: An kada publikasyon sa satong Toolbox sa Pagtutukdo magiya para buksan an jw.org. Sa katunayan, an pinakakatuyuhan kan contact card asin tract na Sain Ta Makukua an Simbag sa Importanteng mga Hapot sa Buhay? iyo na engganyaron an mga tawo sa satong website. Puwede kang makapagpasakamot nin publikasyon hali sa satong Toolbox sa Pagtutukdo paagi sa paggamit kan jw.org para mag-e-mail nin elektronikong kopya o magtao nin link. Makakatabang ini sa pagpapatotoo sa saro na iba an lengguwahe. Saro pa, tibaad may maghapot sa sato na an simbag mayo sa mga publikasyon sa satong Toolbox sa Pagtutukdo. Kun pamilyar kita sa paggamit kan website, magigin mas epektibo kita sa satong ministeryo.

KUN PAANO GIGIBUHON:

• 

  Gamiton an tab na “TUKDO KAN BIBLIYA.” Halimbawang nagpapatotoo ka sa sarong magurang na gusto nin dagdag na impormasyon mapadapit sa pagpapadakula sa mga aki. Buksan an TUKDO KAN BIBLIYA > PAG-AGUMAN ASIN PAMILYA.

• Gamiton an tab na “PUBLIKASYON.” Halimbawang nagpapatotoo ka nin impormal sa eskuwelahan tapos gusto mong ipahiling sa kaklase mo an brosyur na Simbag sa 10 Hapot nin mga Hoben. Buksan an PUBLIKASYON > LIBRO ASIN BROSYUR.

• Gamiton an tab na “MANUNGOD SAMO.” Halimbawang nagpapatotoo ka sa katrabaho mo na gustong magbasa nin halipot na paliwanag dapit sa mga tinutubod ta. Buksan an MANUNGOD SAMO > PARATING MGA IHINAHAPOT.

HILINGON AN VIDEO NA MAGIN PAMILYAR SA PAGGAMIT KAN JW.ORG, DANGAN PAG-ISIPAN KUN SAIN KA SA WEBSITE MADUMAN PARA TABANGAN:

• an sarong ateista

• an saro na nag-agi pa sana nin trahedya

• an sarong inaktibong tugang

• an sarong dinadalaw liwat na naghahapot kun paano sinusuportaran sa pinansiyal an satong gibuhon

• an saro na taga ibang nasyon na gustong mag-atender nin pagtiripon sa lugar ninda