PAMUMUHAY BILANG KRISTIYANO

Tabangan an mga Bakong Relihiyoso na Mamidbid an Saindang Kaglalang

Nagduwa-duwa ka na daw na magpatotoo sa mga bakong relihiyoso, dahil iniisip mong posibleng marhay na dai man sinda madangog? Kun iyo, girumdumon na dakul na bakong relihiyoso—kaiba na an mga ateista—an nagin mga Saksi ni Jehova. Sa parati, an kaipuhan man lang ninda iyo na tabangan sindang masiyasat an mga ebidensiya na nag-eeksister an Diyos.—Ro 1:20; 10:14.

HILINGON AN VIDEO NA TANDAAN—PUWEDENG MAGKAIGWA NIN PAGTUBOD AN MGA MAYONG PAGTUBOD!—MGA BAKONG RELIHIYOSO, DANGAN SIMBAGON AN HAPOT:

Paano an eksperyensiya ni Tommaso nakakatabang sa saimo na magkaigwa nin positibong pagmansay sa pagpapatotoo sa mga bakong relihiyoso?

An simbag mo

Kun paano gigibuhon

Kun sinasabi nin saro na dai siya nagtutubod sa Diyos, magin mabuot, mataktika, asin ipahiling na talagang interesado ka sa mga iniisip saka namamatian niya mapadapit diyan. (2Ti 2:24) Pag-ulayan an mga tema na posibleng marhay na pagkakainteresan niya. Okey lang daw saiya na pag-ulayan an mga ebidensiya na nakatabang sa dakul na magtubod na igwa nin Kaglalang? Kun iyo, gamiton an mga publikasyon asin video na dinisenyo para sa katuyuhan na iyan. An brosyur na Linalang daw an Buhay? asin The Origin of Life—Five Questions Worth Asking iiniba sa satong Toolbox sa Pagtutukdo para mas madali iyan na ma-access.

Sa primero, tibaad mag-alangan kang ipakipag-ulay an katotoohan sa saro na dai nagtutubod sa Diyos. Taano ta dai maghagad nin tabang sa sarong eksperyensiyadong parahayag? Girumdumon man na matatabangan kita ni Jehova na maabot an puso kan mga tawo na igwa nin pusong nasa tamang kamugtakan—dawa kun sa primero dai sinda nagtutubod na nag-eeksister siya.—Gi 13:48.