An Integridad Asin an Satong mga Kaisipan

Nagpapahiling kita nin integridad bako sana paagi sa mga sinasabi saka ginigibo ta kundi pati man sa kun ano an iniisip ta. (Sal 19:14) Kaya sinasadol kita kan Bibliya na isip-isipon an ano man na bagay na totoo, angay tawan nin seryosong atensiyon, matanos, malinig, kawili-wili, positibo, igwang karahayan, asin kaumaw-umaw. (Flp 4:8) Siyempre, dai ta man pirming mapupugulan na makalaog sa satong isip an salang mga kaisipan. Minsan siring, matatabangan kita kan pagpupugol sa sadiri na halion an maraot na kaisipan asin ribayan iyan nin marahay na kaisipan. An pagpadanay nin integridad sa satong kaisipan makakatabang sa sato na mapagdanay an integridad sa satong mga ginigibo.​—Mar 7:​21-23.

Sa baba kan kada teksto, isurat an klase nin kaisipan na dapat tang likayan:

Ro 12:3

Lu 12:15

Mat 5:28

Flp 3:13