Tip sa Pag-adal
Gusto mo daw na magbasa nin mga istorya nin buhay kan satong mga tugang?
Sarong mag-agom na kada aldaw nagbabasa nin sarong istorya nin buhay an nagsabi: “Nakakapaugma asin nakakapakusog nanggad sa samo an pagbasa kan mga istoryang iyan! Ipinapagirumdom kaiyan sa samo na puwede man kaming magin maimbod sa ano man na mga sitwasyon.” Sarong sister na arog man kaiyan an namamati an nagsurat: “Nakakaranga, nakakapahiro, asin nakakapukaw sa puso an mga istoryang ini nin buhay. An buhay kan satong mga tugang pano nin katuyuhan asin kahulugan. An mga istorya ninda nakamotibar sa sako na urog na magmaigot sa ministeryo saka nakatabang sa sako na giyahan an sakong mga aki na maglaog sa bilog na panahon na paglilingkod ki Jehova.”
An mga istorya nin buhay puwedeng makamotibar sa saimo na mag-abot nin makahulugan na mga pasuhan, na mapangganahan an saimong mga kaluyahan, saka na tagalan an grabeng mga pagbalo nin may kaugmahan asin dignidad. Sain mo mababasa an mga istoryang iyan?
Hilingon an mga serye nin artikulo na “Kuwento ng Buhay ng mga Saksi ni Jehova” sa jw.org/tl o sa JW Library®.
Hanapon an “Life Stories of Jehovah’s Witnesses” sa Watchtower ONLINE LIBRARY™ o sa Watchtower Library.