Mga Suhestiyon Para sa Personal na Pag-adal Asin Pampamilyang Pagsamba

Sinasamba ta si Jehova bako lang bilang sarong grupo sa satong mga pagtiripon, asembleya, asin mga kumbensiyon kundi pati man bilang indibidwal asin pamilya. Uni an nagkapirang suhestiyon na puwede nindong gibuhon sa saindong personal na pag-adal asin pampamilyang pagsamba:

• Mag-andam para sa mga pagtiripon kan kongregasyon. Puwede nindong iiba an pagpraktis kan mga kakantahon asin pagtabang sa gabos na miyembro kan pamilya na mag-andam nin komento.

• Magbasa nin sarong istorya sa Bibliya. Dangan, idrowing an sarong pangyayari sa istoryang iyan o isurat kun ano an nanudan mo.

• Pag-adalan an sarong pamibi na nakarekord sa Bibliya, asin pag-isipan kun paano iyan makakatabang saimo para mapauswag an saimong mga pamibi.

• Maghiling nin sarong video sa jw.org dangan ipakipag-ulay iyan sa iba o isurat an mga puntong nagustuhan mo sa video.

• Mag-andam para sa ministeryo, na puwedeng may kaibang pagpraktis.

• Obserbaran an mga linalang asin hurop-hurupon o pag-ulayan kun ano an nanudan nindo diyan manungod ki Jehova.a