Gamiton an Salming sa Tamang Paagi

Ikinumparar ni disipulo Santiago an Bibliya sa sarong salming na paagi kaiyan nahihiling ta an satong panglaog na pagkatawo. (Sant. 1:22-25) Paano ta magagamit an Bibliya sa tamang paagi bilang salming?

Basahon iyan na marhay. Kun sasalimbadan ta lang an satong sadiri sa salming, tibaad dai ta marisa na may kaipuhan palan kitang ayuson. Para maaraman kun anong aspekto kan satong panglaog na pagkatawo an kaipuhan na tawan nin atensiyon, marahay na maghiling kita sa Tataramon nin Diyos paagi sa pagbasang marhay kaiyan.

Mas maghiling ka sa sadiri mo kisa sa iba. Kun itatagilid ta an sarong salming, tibaad repleksiyon kan iba an mahiling ta asin an mga depekto ninda. Sa kaagid na paagi, puwede tang gamiton an Bibliya para mahiling kun ano an mga kaluyahan kan iba. Pero dai ini makakatabang na maitanos ta an sadiri ta mismong mga kaluyahan.

Magin rasonable. Kun maparapokus lang kita sa mga bagay na dai ta gusto sa satong sadiri pag naghihiling kita sa salming, tibaad madisganar kita. Pag nagbabasa kan Tataramon nin Diyos, magin rasonable—an inaasahan niyato sa satong sadiri dapat na dai magin labi sa inaasahan sa sato ni Jehova.—Sant. 3:17.