Makinabang sa mga Marginal Reference

Ipinapahiling kan mga marginal reference sa Bagong Kinaban na Traduksiyon kan Banal na Kasuratan na nagkakauruyon an mga laog kan Bibliya paagi sa pagtabang sa saimo na mahanap an konektadong mga teksto na nagtatao nin dagdag na mga impormasyon. Para makahiling nin mga marginal reference, maghanap nin sadit na letra na kasunod nin sarong tataramon. Kun sa imprentadong Bibliya, hanapon an katumbas kaiyan na letra sa kolum sa tahaw tanganing mahanap an konektadong mga teksto. Kun sa jw.org o sa JW Library^® app, i-tap an letra para mahiling an mga teksto.

An mga marginal reference puwedeng magtao sa saimo kan arin man sa minasunod na mga impormasyon:

Kaparehong Pangyayari: Nagtutukdo iyan sa saro pang pagkasaysay kan iyo man sanang pangyayari. Halimbawa, hilingon an 2 Samuel 24:1 asin 1 Cronica 21:1.

Kotasyon: Ipinapahiling kaiyan kun sain kinua an sarong frase o ekspresyon. Halimbawa, hilingon an Mateo 4:4 asin Deuteronomio 8:3.

Kautuban nin propesiya: Itinutukdo kaiyan an propesiya sa kautuban kaiyan. Halimbawa, hilingon an Mateo 21:5 asin Zacarias 9:9.