An mga Saksi ni Jehova Asin an Holocaust—Ano an Sinasabi kan Bibliya?

Sa Enero 27, 2023, gigirumdumon kan dakul na tawo an International Holocaust Remembrance Day. An grabeng mga pagsakit na nangyari labing 75 taon na an nakaagi puwedeng makapaisip saimo kun taano ta tinugutan nin Diyos na mangyari an Holocaust.

• Para maaraman kun ano an sinasabi kan Bibliya, basahon an artikulo na “Taano ta Nangyari an Holocaust? Taano ta Dai Iyan Pinugulan nin Diyos?”

Grabe an nagin pagsakit kan mga Judio na biktima kan Holocaust. Minilyon na tawo an ginaradan sa organisadong paagi. May mga miyembro nin iba pang mga grupo na pinuntirya man asin ginadan kan panahon kan Holocaust. Kaiba na diyan an mga Saksi ni Jehova, na pinersegir huli sa saindang basado sa Bibliya na mga paniniwala.

• Para makanuod pa, basahon an artikulo na “Ano ang Nangyari sa mga Saksi ni Jehova Noong Holocaust?”

“Magayon na puturo asin paglaom”

Dakul na tawo an natatakot na an pangyayaring arog kan Holocaust puwedeng mangyari giraray. Marahay na sana ta itinutukdo kan Bibliya na maabot an panahon na dai na nuarin man mangyayari an siring na mga trahedya.

• “‘Huli ta aram kong marhay kun ano an gusto kong gibuhon para sa saindo,’ an sabi ni Jehova, ‘an tawan kamo nin katuninungan, asin bakong kapahamakan, tanganing magkaigwa kamo nin magayon na puturo asin paglaom.’”—Jeremias 29:11.a

An paglaom na ini magigin posible pag humiro na an Diyos na Jehova para tapuson an karatan asin halion an danyos na resulta kaiyan. Madali na niyang:

• Halion an maraot na mga tawo na nandadanyar sa iba.—Talinhaga 2:22.

• Paumayan an gabos na nag-agi nin pagsakit.—Kapahayagan 21:4.

• Buhayon liwat digdi sa daga an mga nagadan.—Juan 5:28, 29.

Makakapagtiwala ka sa nakakarangang paglaom na itinatao kan Bibliya. Para maaraman kun taano, iniimbitaran mi kamo na purbaran an samong libreng pag-adal sa Bibliya na may matabang saimo.