Giyera—Kun Ano an Gigibuhon kan Kahadian nin Diyos

An mga giyera na nangyayari sa bilog na kinaban padagos na nagdadara nin grabeng destroso, kulog, asin pagsakit sa mga tawo. Hilingon an minasunod na mga report:

• “Kan nakaaging taon, mas dakul na tawo an nagadan huli sa giyera, partikular na sa Ethiopia asin Ukraine, kisa sa naglihis na mga taon puon kan 1994.”—Peace Research Institute Oslo, Hunyo 7, 2023.

• “An giyera sa Ukraine saro sana sa mga giyera na gruminabe kan 2022. Sa pangkagabsan, an kadahasan huli sa pulitika luminangkaw nin 27% sa bilog na kinaban kan nakaaging taon, asin mga 1.7 bilyon na tawo an naapektaran kaiyan.”—The Armed Conflict Location & Event Data Project (ACLED), Pebrero 8, 2023.

An Bibliya nagtatao nin paglaom. Sinasabi kaiyan na “an Diyos nin langit maestablisar nin sarong kahadian na dai nuarin man malalaglag.” (Daniel 2:44) Sa pamamahala kan Kahadian o gobyernong iyan, ‘papapunduhon’ nin Diyos “an mga giyera sa bilog na daga.”—Salmo 46:9.