Iginagalang Daw kan Mga Saksi ni Jehova an Ibang Relihiyon?

Sinusunod mi an sinasabi kan Bibliya na ‘igalang an gabos na tawo’—ano man an saindang relihiyon. (1 Pedro 2:17) Halimbawa, sa ibang nasyon ginatos na ribo an mga Saksi ni Jehova. Pero dai mi iniimpluwensiyahan an mga pulitiko o mga lehislador na ipagbawal an ibang relihiyon. Dai mi man ikinakampanya na magkaigwa nin mga ley na mag-oobligar sa mga tawo na sunudon an samong pamantayan sa moral asin relihiyon. Imbes, iginagalang mi an ibang relihiyon kun paanong iginagalang man ninda kami.—Mateo 7:12.