Sektang Amerikano Daw an Mga Saksi ni Jehova?
An samong world headquarters yaon sa Estados Unidos nin Amerika. Pero, bako kaming sektang Amerikano huli sa minasunod na mga dahilan:
Para sa iba, an sekta sarong grupo na nagsuway o nagbulag sa sarong establisadong relihiyon. An Mga Saksi ni Jehova dai nagsuway hali sa ibang grupo nin relihiyon. Para samo, ipinundar mi lang giraray an Kristiyanismo na nagpuon kaidtong inot siglo.
Aktibo an Mga Saksi ni Jehova sa saindang paghuhulit sa labing 230 kadagaan asin nasyon. Sain man kami nakaistar, panginot na sinusuportaran mi an Diyos na Jehova asin si Jesu-Cristo, bako an gobyerno nin Amerika o arin man na gobyerno nin tawo.—Juan 15:19; 17:15, 16.
Gabos na itinutukdo mi nakabasar sa Bibliya, bako sa mga sinurat nin nagkapirang lider nin relihiyon sa Estados Unidos.—1 Tesalonica 2:13.
Sinusunod mi si Jesu-Cristo, bako an siisay man na lider na tawo.—Mateo 23:8-10.