Taano ta an mga Saksi ni Jehova Dai Naggagamit nin Krus sa Pagsamba?

Iniisip kan dakul na an krus komun na simbolo nin Kristiyanismo. Mga Kristiyano kaming mga Saksi ni Jehova pero dai kami naggagamit nin krus sa samong pagsamba. Taano?

An sarong dahilan iyo na ipinapahiling kan Bibliya na bako sa krus nagadan si Jesus kundi sa sarong harigi. Apuwera kaiyan, malinaw an patanid kan Bibliya sa mga Kristiyano na “dumulag kamo sa idolatriya,” na nangangahulugan kan dai paggamit nin krus sa pagsamba.—1 Corinto 10:14; 1 Juan 5:21.

An mas mahalaga, sinabi ni Jesus: “Paagi kaini, maaaraman kan gabos na kamo sakuyang mga disipulo—kun igwa kamo nin pagkamuot sa lambang saro.” (Juan 13:34, 35) Kaya ipinapahiling ni Jesus na an mapagsakripisyong pagkamuot—bako an krus o ano pa man na ladawan—an magigin midbidan kan tunay na mga parasunod niya.