Kasalan Daw an Pagsugal?

An simbag kan Bibliya

Dawa ngani mayo nin detalyadong sinasabi an Bibliya manungod sa pagsugal, mahihiling ta sa mga prinsipyo kan Bibliya na minamansay nin Diyos na kasalan an pagsugal.​—Efeso 5:​17.a

• An pagsugal sarong mahanab na gibo na ikinakaungis nin Diyos. (1 Corinto 6:​9, 10; Efeso 5:​3, 5) Gustong-gusto kan mga parasugal na manggana para mapasainda an kuwarta kan iba. Pero sinasabi kan Bibliya na dai pagmawuton nin saro na mapasaiya an mga bagay na bako man saiya.​—Exodo 20:17; Roma 7:7; 13:​9, 10.

• An pagsugal, dawa sa dikit sanang kantidad, puwedeng makapukaw nin pagkamuot sa kuwarta na posibleng makadanyar sa sato.​—1 Timoteo 6:​9, 10.

• Sa parati an mga parasugal nag-aasa sa suwerte. Pero para sa Diyos, an arog kaiyan na paniniwala sarong klase nin idolatriya. Kontra iyan sa pagsamba na inuuyunan niya.​—Isaias 65:11.

• Imbes na mawuton na makua an sarong bagay na dai pinagpagalan, dinadagka kita kan Bibliya na magtrabaho nin mahigos. (Eclesiastes 2:​24; Efeso 4:​28) An mga nagsusunod sa sadol kan Bibliya ‘makakan kan pinagpagalan ninda.’​—2 Tesalonica 3:​10, 12.

• Puwedeng pukawon kan pagsugal an kurumpetensiyahan, na bakong kauyon kan sinasabi kan Bibliya.​—Galacia 5:​26.