Watchtower ONLINE NA LIBRARYA
Watchtower
ONLINE NA LIBRARYA
Bicol
  • BIBLIYA
  • PUBLIKASYON
  • PAGTIRIPON
  • ijwyp artikulo 84
  • Taano ta Pirming Sala an Nasasabi Ko?

Mayong video na available para digdi.

Sori, may error sa pag-load kan video.

  • Taano ta Pirming Sala an Nasasabi Ko?
  • Hapot kan mga Hoben
  • Mga Subtema
  • Kaagid na Materyal
  • Taano ta sala an nasasabi ko?
  • Pagkontrol sa dila
  • Magpaheling nin Pagkamoot Asin Paggalang Paagi sa Pagkontrol kan Saindong Dila
    An Torrengbantayan Nagpapahayag kan Kahadean ni Jehova—2006
  • Gamiton sa Marahay an Kapangyarihan kan Saimong Dila
    An Torrengbantayan Nagpapahayag kan Kahadian ni Jehova—2015
  • “Panahon na dai Maggirong Asin Panahon na Magtaram”
    An Torrengbantayan Nagpapahayag kan Kahadean ni Jehova—1996
  • Magtaram nin “Nakakapakusog”
    Kun Paano Magdadanay sa Pagkamuot nin Diyos
Iba Pa
Hapot kan mga Hoben
ijwyp artikulo 84
Sarong hoben na lalaki na pinupurbaran na pugulan an mga tataramon na nasabi niya na

HAPOT KAN MGA HOBEN

Taano ta Pirming Sala an Nasasabi Ko?

“Nakokontrol ko kun minsan an dila ko, pero may mga pagkakataon na nakakataram ako nin dai pinag-isipan!”—James.

“Pag ninenerbiyos ako, nagtataram ako na dai nag-iisip, tapos pag relaks man ako surubra na man an mga sinasabi ko. Sa madaling sabi, napapasala ako pirmi.”—Marie.

Sinasabi kan Bibliya: “An dila . . . kalayo” asin, “Kayang suluon nin saditon na kalayo an mahiwason na kakahuyan!” (Santiago 3:5, 6) Parati ka daw nagkakaproblema dahil sa mga sinasabi mo? Kun iyo, matatabangan ka kan artikulong ini.

  • Taano ta sala an nasasabi ko?

  • Pagkontrol sa dila

  • An sinasabi kan ibang tin-edyer

Taano ta sala an nasasabi ko?

Pagkabakong perpekto. Sinasabi kan Bibliya: “Gabos kaya kita napapasala [“nasisingkog,” nota sa ibaba] nin dakul na beses. Kun an siisay man dai napapasala sa pigtataram niya, saro siyang tawong perpekto.” (Santiago 3:2) Huli sa kaluyahan nin tawo, dai lang kita madaling masingkog pag naglalakaw kundi madali man kitang mapasala pag nagtataram.

“Huling bakong perpekto an hutok ko saka bako man na perpekto an dila ko, imposible na perpekto kong makontrol an mga ini.”—Anna.

Sobrang pagtaram. Sinasabi kan Bibliya: “Pag kadakul kan pigtataram, sa pagkakasala dai makakalikay.” (Talinhaga 10:19, NW) An mga tawong matinaram—pero daing gayo nagdadangog—posibleng marhay na makakulog nin buot dahil sa mga nasasabi nindang sala.

“Sa sarong grupo, an pinakamadunong bako man pirmi an nagtataram. Si Jesus an pinakamadunong na tawong nabuhay sa daga, pero may mga pagkakataon na nagsilensiyo sana siya.”—Julia.

Pagigin sarkastiko. Sinasabi kan Bibliya: “Siring sa mga saksak nin espada an dai pinag-isipan na mga tataramon.” (Talinhaga 12:18, NW) An sarong halimbawa kaini iyo an pagigin sarkastiko—malanit na mga tataramon na an katuyuhan menuson an iba. Tibaad sabihon kan mga tawong sarkastiko, “Joke man sana!” Pero dai nakakaugma an pagpasupog sa iba. Sinasabi sa sato kan Bibliya na halion an “mapang-insultong pagtaram, pati na an ano man na bagay na nakakadanyar.”—Efeso 4:31.

“Listuhon akong mag-isip nin suba, asin gusto kong nagpapangisi. Kaya nagigin sarkastiko ako, na sa parati nagreresulta sa problema.”—Oksana.

Pinupurbaran kan hoben na lalaki na ibalik an toothpaste sa laagan kaini

Dai mo na mababawi an sarong bagay na nasabi mo na, kun paanong dai mo na maibabalik an toothpaste na nagluwas na

Pagkontrol sa dila

Bakong pasil an pagkontrol sa dila, pero makakatabang an mga prinsipyo sa Bibliya. Halimbawa, pag-isipan an minasunod.

“Magtaram kamo sa saindong puso, . . . asin dai kamo maggirong.”—Salmo 4:4, NW.

Kun minsan, an pinakamarahay na reaksiyon iyo na dai ka na lang maggirong. “An namamatian ko sa panahon na anggot ako puwedeng bako na an mamamatian ko pagkatapos,” sabi kan hoben na si Laura. “Pag kalmado na ako, sa parati nauugma ako na dai ko sinabi an gusto ko kutang sabihon.” Dawa an pagpundo sana nin pirang segundo makakatabang saimo na dai mapasala sa pagtaram.

‘Bakong an talinga nakakadangog kan mga tataramon, asin an [dila] nakakanamit kan kakanon?’—Job 12:11.

Makakalikay ka sa dakul na problema kun pag-iisipan mo an mga hapot na ini:

  • Totoo daw ini? Mabuot daw ini? Kaipuhan daw ini?—Roma 14:19.

  • Kun ako an sabihan kaini, ano an mamamatian ko?—Mateo 7:12.

  • Magpapahiling daw ini nin respeto sa pananaw kan iba?—Roma 12:10.

  • Ini daw an tamang panahon asin lugar na sabihon ko iyan?—Parahulit 3:7.

“May kapakumbabaan nindong ibilang an iba na mas urog kisa saindo.”—Filipos 2:3.

Makakatabang sa saimo an sadol na iyan na magin positibo an paghiling mo sa iba, na makakatabang sa saimo na mapugulan an saimong dila asin mag-isip nguna bago magtaram. Dawa huri na saka nakataram ka na nin makulog, an kapakumbabaan makakatabang sa saimo na maghagad nin dispensa—asin gibuhon iyan tulos-tulos! (Mateo 5:23, 24) Dangan magin determinadong urog pang kontrulon an saimong dila.

An sinasabi kan ibang tin-edyer

Si Taylor

“Pag excited akong mag-istorya, may tendensiya akong makataram nin mga bagay na dai ko man tinutuyo. Pero kun mapundo nguna ako dawa sampulong segundo para pag-isipan kun ano an magigin epekto sa iba kan sasabihon ko o kun baga magigin kapaki-pakinabang talaga iyan sa pag-urulay, mas nakokontrol kong marhay an dila ko.”—Taylor.

Si Brandon

“Pag nakulgan ka sa sinabi nin iba, marahay na pag-isipan mo an sitwasyon. Sa parati, an sinabi niya dai niya man tinuyo asin puwedeng lingawan na sana. May mga pagkakataon man na tibaad sa hiling mo bakong makatanusan an sinabi niya, pero puwedeng may punto man iyan. Para maresolberan an arog kaiyan na mga sitwasyon, mahalagang pag-ulayan iyan sa positibo saka kalmadong paagi.”—Brandon.

Si Jessica

“Mas madaling malikayan na magtaram nin makulog kun sa puon pa sana mayo iyan sa isip ta. Kun minsan, kaipuhan tang baguhon an satong pananaw sa mga sitwasyon o an satong sabuot sa mga tawo. Kun gigibuhon ta iyan, dai kita gayong makakataram nin makulog sa sainda.”—Jessica.

    Bicol Publications (1983-2025)
    Mag-log Out
    Mag-log In
    • Bicol
    • I-share
    • Settings na Gusto Mo
    • Copyright © 2025 Watch Tower Bible and Tract Society of Pennsylvania
    • Kasunduan sa Paggamit
    • Palisiya sa Privacy
    • Privacy Settings
    • JW.ORG
    • Mag-log In
    I-share