KANTA 68
Pagsabwag kan Banhi kan Kahadian
Imprentadong Edisyon
1. Sa gibuhon kan Kagurangnan,
Madya! Ika makikabtang.
Mga tukdo ni Jesu-Cristo
Magigin mong giya iyan.
Sa sinserong puso matalubo,
Banhi nin katotoohan.
Kaya s’imo man gibuhon an gabos
Sa paghulit kan Kahadian.
2. Kapangganahan kan paghulit,
Dependeng marhay saimo.
’Nganing kamutan an totoo,
’Yan sainda itukdo mo.
Tabangan mong mahali an duda
Na yaon sa puso ninda.
Kun mahiling na an pag-uswag ninda,
Siguradong mauugma ka.
(Hilingon man an Mat. 13:19-23; 22:37.)