Kanta 68
Diosnon na Pagdamay
1. Kun boot niatong magin Kristiano,
Pagdamay satong itao
Sa namomotan asin estranyo,
Minsan bako tang kabisto.
Ini lininaw ni Cristo,
Dakulang Paratokdo,
Paagi sa ilustrasyon.
Marahay dangogon niato.
2. Sarong aldaw may Samaritano
Na pasiring sa Jerico.
Sa dalan may tumbang nalugadan,
Hinabonan sarong Judio.
An biktima tinabangan,
Liningawan pagmenus.
Pagkamoot nangibabaw.
Kinuyog pagboot nin Dios.
3. Malinaw kun siisay an kapwa.
Sia na dapat tang tabangan.
Dios marahay sa gabos na tawo,
Aldaw tao asin oran.
Pagdamay nin Dios dakula!
Tunay na Katood ta.
Kabootan nia abunda.
Ini masasarigan ta.
4. Kun beses tinatawan an kapwa
Nin gubing asin pagkakan.
Pero orog pa an kaipuhan,
An buhay na sagkod pa man.
Ki Jehovang Kahadean
Asin katanosan nia
Sa kapwa ta ipahayag
’Nganing maomaw sia ninda.