Kanta 215
Pagpaheling nin Pagkaherak sa Iba
1. Kan an Dios matao nin delubyo
’Nganing marorompot laglagon,
Si Noe saiyang isinugo:
‘Paghulit! Gibo na nin dahong!’
Si Noe naghabo daw sa sugo,
Ta dai sia ka’yan tatao?
Sugo nin Dios lubos niang kinuyog.
Paghulit, pagtogdok ginibo.
2. An areglo ngonyan matatapos,
Sa herak an Dios nagboboot
Na iyan satuyang ibareta
’Nganing an gusto maghinanyog.
Sabi daw nindo, ‘Dai ko kaya;
Ako maluya sa pagtaram’?
Pero kun Dios may herak saindo,
Sa paghulit sia an matabang.
3. An herak asin katotoohan
Pampaogma nanggad sa boot.
’Yan panamit sato ni Jehova
Kan Kahadean niang maabot!
An iba dapat na kaherakan.
An gabos dapat na hatolan:
‘Tolos na humiro sa pagdusay;
Kahadean nin Dios laoman.’