Kanta 36

“Maogma an mga Mahoyo”

(Mateo 5:5)

1. Mahoyo binibiyayaan;

Kaogmahan dakulaon.

Dai takot sa kasakitan;

Sa Dios sinda naglalaom.

Dai dapat na matakot,

Manhuma man an maraot,

Ta sinda dai magdadanay

Siring sa luyos na doot.

2. An sabi ni David ka’dto pa,

‘Ako naggurang na ngonyan,

Pero dai akong namasdan,

Matanos pinabayaan.’

Kaya magtiwala sa Dios,

Sa tawo man magmaimbod.

Kun maogma ka ki Jehova,

An bendisyon daing sagkod.

3. Mapapara na an maraot;

Mawawara na sa daga,

Toninong an mga mahoyo

Na magmamana kan daga.

Pirmeng patunayan ngonyan,

Tataramon Nia totoo.

Kaya kita magin mahoyo

Sa pagtaram asin gibo.