“An Paglaom sa Sarong Mas Marahay na Kinaban”
Mantang nagbibisita sa Montreal kan Hulyo 1985, dai tinutuyong nawalat ni Gilles Le Sieur an saiyang portpolyo sa tren. Kan aldaw pakatapos na pumuli sia, mga 260 kilometros hale sa Montreal, nakaako sia nin sarong apod sa telepono hale sa sarong hoben na babae na nakakua kan portpolyo. Nagbalik si Gilles asin an saiyang agom sa Montreal tanganing kuanon ini. Kan ginibo ninda ini, tinawan ninda nin sarong kopya kan librong Puwede Kamong Mabuhay Sagkod Lamang sa Paraiso Digdi sa Daga an hoben na babae. Pakaagi nin mga duwang semana, nakaako sinda nin sarong nagpapahalagang surat hale sa saiya, na nagsasabi sa sarong kabtang:
“Dai ko aram kun siisay sa satuya an naggibo nin mas dakulang paglilingkod kan nakaaging semana. Minsan ngani dai ako naglalaom nin ano man bilang karibay, napahiro ako paagi kan pagpahalaga na ipinaheling nindo sa sako. Partikularmenteng pinahalagahan ko an katotoohan na mawot nindong ihiras sa sako an pinaghalean kan saindong kaogmahan. . . . Natapos ko nang nabasa an librong itinao nindo sa sako, asin sa panahon na binabasa nindo an surat na ini, an saro sa sakong mga amiga nagbabasa kaini. Tama kamo manongod sa mga pakinabang na itinatao kan librong ini. Bako sanang tinawan ako nin paglaom para sa mas marahay na kinaban kundi sinimbag kaini an kadakol na hapot na dai nasimbag kan sakong relihiyon. . . . Ipinadagos ko na ngonyan an pagbabasa kan Biblia na may pagmawot na magkaigwa nin mas marahay na buhay.”
An hoben na babaeng ini nagpadagos kan saiyang pag-adal kan Biblia asin, sa tamang panahon, nagin sarong pambilog na panahon na ministro kan mararahay na bagay na saiyang nanodan. An Puwede Kamong Mabuhay Sagkod Lamang sa Paraiso Digdi sa Daga nagin instrumento sa pagbabago kan buhay nin kadakol na tawo para sa mas marahay. An libro nagpapaliwanag kan haros gabos na katokdoan kan Biblia asin naglalaman nin labi sa 150 nagtotokdong ilustrasyon. Tanganing akoon an mahalagang publikasyon na ini, llenaran sana asin ipadara an kairibang kupon.
Tabi ipadara, na bayad na an selyo, an 256 na pahina, matagas an patos na librong Puwede Kamong Mabuhay Sagkod Lamang sa Paraiso Digdi sa Daga. Para kaiyan ilinakip ko an ₱21.00.