‘Kaidto Nagngingisi Sinda’

An sarong soldado sa hukbo sa Hungaria nagsasabi na dai pa sana nahahaloy an mga tawo kaidto pinagngingisihan an mga nagtataram manongod sa Biblia. Alagad ta naliwat na an mga panahon. An soldado bago pa sanang nagsurat sa opisina kan Watch Tower Society sa Budapest, na an sabi:

“Kaidtong pirang aldaw na an nakalihis, nabasa ko an libro nindong Puwede Kamong Mabuhay Sagkod Lamang sa Paraiso Digdi sa Daga. May nagpasubli kaiyan sako sagkod na matapos kong basahon. An nasusurat sa libro nakapahirong gayo sako asin nagpahorophorop sako.” Boot kan soldado nin Biblia asin dugang na impormasyon. An siring na reaksion bako nang pambihira sa Sirangan na Europa.

An saro pang surat na naresibi sa opisina sa Budapest nagsasabi: “Nabasa ko an librong Puwede Kamong Mabuhay Sagkod Lamang sa Paraiso Digdi sa Daga. Hinangaan kong marhay an libro, asin ako nagsurat saindo tanganing hagadon na an sarong Saksi sumongko sa sakong harong tanganing magkaigwa ako nin regular na pag-adal sa Biblia.”

An Puwede Kamong Mabuhay Sagkod Lamang sa Paraiso Digdi sa Daga sarong libro na nagtatao nin paglaom paagi sa pagtokdo saindo sa mga simbag sa Biblia. Iyan nagin positibong impluwensia sa pagpabakle sa dakol na buhay. Kun boot nindo nin impormasyon kun paano makareresibi nin sarong kopya, tabi llenaran asin ipadara an kupon.

Boot kong maaraman kun paano puwedeng makaresibi kan 256-pahinas na librong Puwede Kamong Mabuhay Sagkod Lamang sa Paraiso Digdi sa Daga. (Sumurat sa adres na nasa ibaba para sa impormasyon. Sa luwas kan Pilipinas, sumurat sa lokal na sanga kan Watch Tower para sa impormasyon. Helingon an pahina 2.)

[Ritrato sa pahina 32]

May marahay na dahelan, an magurang minatogot na an sarong namomotan na aki umagi sa sarong makolog na operasyon. An Dios igwa man nin marahay na mga dahelan sa temporaryong pagtogot na an mga tawo magsakit