“Magayagayang mga Paraomaw” na Pandistritong Kombension Ngonyan na 1995
1 Pira an dahelan niato na magin magayagaya? Posibleng bakong dakol sa sato an nagprobar na ilista iyan gabos. Dawa nabubuhay sa sarong kinaban na maribok asin daing kasegurohan, kadakol kan dahelan niato na magin magayagaya. Huli kaini, an “Magayagayang mga Paraomaw” angay na tema para sa pandistritong mga kombension ngonyan na 1995.
2 Inoomaw niato si Jehova huli ta itinokdo nia sa sato an katotoohan. (Isa. 54:13; Juan 8:32) Kita man magayagayang ihinihiras an katotoohan sa gabos na naghahanap nin seguridad asin kaogmahan. (Ezeq. 9:4; Gibo 20:35) An satong Kristianong kasararoan nin magturugang nagdadara man sa sato nin pagkakontento asin kagayagayahan. Nagkapira sana ini sa mga dahelan kan satong kagayagayahan na nagpapahiro sa sato na omawon si Jehova. An mga pahayag asin demonstrasyon sa kombension dadarahon an satong atension sa dugang pang Makakasuratan na mga dahelan kan satong kagayagayahan sa maribok na huring mga aldaw na ini.
3 Sarong Tolong Aldaw na Kombension: Nakipag-areglo na daw kamo sa saindong among na humagad nin bakasyon tanganing makaatender sa bilog na tolong aldaw kan kombension? Saen an pinakaharaning kombension sa saindo? Sa hurihan kan suplementong ini igwang lista kan mga petsa asin lugar para sa 43 na kombension sa Pilipinas.
4 An programa mapoon sa Biernes sa alas 8:30 n.a. asin matatapos sa Domingo sa poko mas o menus alas 3:50 n.h. Sa Sabado, an programa mapoon sa alas 8:30 n.a., asin sa Domingo mapoon iyan sa alas 9:00 n.a.
5 Maatender daw Kamo?: Sinasadol kita na dai paltahan ni an sarong aldaw o sarong sesyon kan kombension. Taano man? Gusto ni Jehova na kita yaon duman. An satong pagtubod asin espirituwal na salud ngonyan nasa irarom nin grabeng pag-atake. Si Pablo naghatol na “dai pagpabayaan an satong pagtorotiripon” sa panahon na an mga Kristiano sa Judea nakaeeksperyensia nin grabeng pangigipit. (Heb. 3:12, 13; 10:25) An mga taga-Filipos nabubuhay “sa tahaw nin maraot asin bikong kapag-arakian.” Pero, sinda “nagliliwanag siring sa mga ilaw kan kinaban.” (Fil. 2:15) Taano an enot na siglong mga Kristianong ini ta napalalaen? Huli ta makinuyog nindang sinunod an paggiya kan banal na espiritu na magtorotiripon “tanganing mandagka sa pagkamoot asin sa marahay na mga gibo.”—Heb. 10:24.
6 An impluwensia kan kinaban puedeng tusong paluyahon an satong pagmawot na makipagtipon sa satong mga tugang asin omawon si Jehova. Inaagyat kan kinaban an mga tawo na magkaigwa nin independienteng kaisipan. Sinanay kita ni Jehova na dai magin arog kan kinaban. Kaya kita mapakumbabang nagpapasakop sa espiritu ni Jehova asin magayagayang nakikipagtipon sa satong mga tugang tanganing kamtan an bilog na programa sa kombension. Determinado daw kita na magin presente kaiba kan satong bilog na pamilya? Kaipuhan tang regular na parigonon an satong pagkamoot asin pagtubod. An mga kualidad na ini bakong permanente kun nakamtan na kundi garo mga bagay na may buhay na matalubo kun pakakakanon sa espirituwal o maluluyos asin magagadan kun dai pakakakanon.
7 Ipuli an Sarong Kayamanan: Paano nindo makukua an pinakadakulang pakinabang sa kombension? An simbag iyo na paagi sa ‘paghinanyog nin odok.’ Bako ining pasil sa marikas an hirong sosyedad sa panahon ngonyan. An mabagsik na mga hoben tibaad masakitan na maghinanyog nin odok, alagad iyan angat na napaaatubang sa sato gabos kun minaatender sa sarong pandistritong kombension. Manonompongan niatong mas pasil an paghinanyog nin odok kun hahapoton niato an satong sadiri, ‘Ano an tema kan kombension?’ Horophoropon iyan! ‘Taano ta maduman ako asin ano an gigibohon ko sa laog kan tolong aldaw? An mga banggi ko daw mapapano nin pag-aling-aling, o iiniskedyul ko daw an supisyenteng oras para sa pahingalo asin pagrepaso kan mga tampok na punto sa kombension?’
8 An artikulo sa Pebrero 1, 1984 Watchtower na “Do You Meditate or Just Daydream?” nagtao nin nagkapirang suhestion sa kun paano makukua an pinakadakulang pakinabang sa pagtiripon dangan iyan nagsabi: “An disiplina sa isip posibleng iyo an pinakamahalagang nakakokontribwir na bagay.” Kun an sarong espiker minapoon, kita sa parate atentibo, alagad tibaad sa katahawan kan pahayag, pinababayaan ta an satong isip na “maglagawlagaw.” Paano ta malilikayan na ini mangyari?
9 Pagmaigotan na magkaigwa nin supisyenteng pahingalo kada banggi. Bako ining perming pasil, alagad an marahay na pagplano sa parate matogot na kamo magkaigwa kan kaipuhan na pahingalo.
10 An pagkua nin halipot na mga nota sarong tabang sa paghinanyog nin odok. Kun poprobaran nindong isurat an sobra kadakol na impormasyon, an nagkapirang mahalagang punto puedeng biyong malampasan. Bilang suhestion, magkua nin mga nota na an katuyohan iatubang an sarong sumaryo kan programa sa sarong estudyante sa Biblia o sarong parahayag na may helang. Paagi sa pagkua nin mga nota asin paghiras kan saindong nadangog, dai nindo malilingawan tolos an impormasyon. An pagpahayag nakapaooswag sa memorya.
11 Angay na magtao nin maboot na pagirumdom manongod sa mga kamera asin kasangkapan sa pagrekord. An desisyon nindong magkua nin mga retrato o irekord an mga kabtang kan programa sa camcorder o audiocassette recorder sarong personal na bagay. Minsan siring, an gabos na kasangkapan na iyan maninigong gamiton sa paagi na dai nakadidistorbo sa iba o nakaoolang sa saindo na makinabang sa programa. Pagpuli nindo sa harong, igwa daw nin oras na repasohon an mga irinekord? Tibaad manompongan nindo na an pagkua nin mga nota supisyente na.
12 Pagbayad sa mga Ginastos: Minsan ngani dai nang pagkakan na itatagama, igwa pa man giraray nin kalabot na dakulang gastos sa arkila sa pasilidad kan kombension, saka sa mga kasangkapan sa sound system na ipinagamit kan Sosyedad. Paano nababayadan an mga ginastos na ini? Paagi sa boluntad na mga donasyon niato, magsalang antimano sa komite kan kombension o sa kombension mismo paagi sa departamento sa kuenta o sa mga kahon para sa kontribusyon. Kaoyon ini sa Salmo 96:8 asin 2 Cronica 31:12.
13 An Magayagayang mga Paraomaw Nagtatao nin Onra ki Jehova Paagi sa Diosnon na Gawe: Kan nakaaging taon naresibi an nakapakokosog na mga komento manongod sa satong gawe hale sa mga nagtatrabaho sa hotel asin mga empleyado sa mga pasilidad kan kombension. An sarong manedyer nin hotel nagpahayag: “Perming nakaoogmang padagoson an mga Saksi huli ta sinda mapasensia asin nakikokooperar patin binabantayan na marhay an saindang mga aki.”
14 Mawot niato na an gabos na report parareho, alagad makamomondo, iyan bakong totoo. An sarong tsirman sa kombension nagkomento: “Pakatapos nin mga sesyon, dakol sa mga tin-edyer an nagtitiripontipon sa darakulang grupo sa sala sa paglaog [kan hotel] sa kamatangaan nin banggi, na nagngingirisi nin makosog asin nagkukururahaw. Nadidistorbo kaini an ibang bisita . . . , na risang iritado.”
15 An saro pang problema na dakol nang taon na nagpapadagos iyo an pagtiripontipon nin dakol na tugang sa mga pasilyo asin sa luwas kan auditoryum durante kan mga sesyon. Sa sarong kombension kan nakaaging taon, sarong nota an nakua sa kahon para sa kontribusyon hale sa sarong estudyante sa Biblia. Iyan nagsasabi: “Dai pa ako nakubhanan arog ngonyan sa ribok, aktibidad, orolay, asin salang paggawe sa mga pasilyo durante kan mga pahayag . . . Bako pa akong Saksi, kundi saro sanang nag-aadal asin nakanonood nin diosnon na takot asin paggalang.” Ano daw an mamamatean niato kun an estudyanteng ini sa Biblia pumondo sa pakiaasosyar huli sa bakong magalang na gawe nin nagkapira?—Mat. 18:6.
16 Maninigo niatong hapoton an satong sadiri sa gabos na panahon: ‘Siisay an sakong irinerepresentar, asin taano ta nag-aatender ako sa kombension na ini?’ An satong espirituwalidad nababanaag sa satong pagtaram, paggawe, asin pag-apresyar sa espirituwal na mga probisyon. (Sant. 3:13; 1 Ped. 2:2, 3, 12) An mga tugang sa kadagaan na sinda nagtagal nin mga restriksion asin pagbabawal sa laog nin mga taon parateng mas atentibo asin magalang sa mga kombension, na nagdadanay sa saindang tukawan asin odok na naghihinanyog.
17 An Saindong Paggubing Asin Pag-alinyar Nagpapaabot nin Mensahe: Sa 1 Samuel 16:7, kita pinapagirumdom na “an tawo nagheheling sa luwas sana; alagad si Jehova, naheheling nia kun ano an puso.” Sa siring, kita parateng hinuhusgaran nin mga tawo sono sa satong panluwas na itsura. An satong paggubing asin pag-alinyar minaagi sa estriktong pagsiyasat, nangorogna kun kita minaatender nin sarong kombension para sa pagsamba asin pagtotokdo sa Kristianong pamumuhay. Kun kamo sarong hoben na nag-eeskuela o kun an saindong sekular na trabaho irinarani kamo sa mga tawong nagsusunod sa kinabanon na mga estilo, tibaad magin sarong angat an pangangapot sa Kristianong mga pamantayan sa mabining paggubing.
18 An mga pamantayan sa paggubing asin pag-alinyar laen-laen sa bilog na kinaban. An mga Kristiano linalaoman na magsulot nin mabini, aregIadong gubing. Siisay an maninigong magdeterminar kaini? Maninigong seguradohon kan mga magurang na an saindang mga aking tin-edyer dai maggubing na arog kan kinabanon na mga hoben sa eskuelahan. Para sa mayoriya, an estilo nin paggubing personal na desisyon. Itinao an mga giya tanganing tabangan kitang magdesisyon nin tama sa bagay na ini. Isinasadol niamo an pagrepaso sa artikulo sa Pebrero 8, 1987 Awake! na “What Do Clothes Mean to You?” Ano an naobserbaran sa nagkapirang kombension niato kan nakaaging taon?
19 Pakatapos kan saro sa “Diosnon na Takot” na Pandistritong mga Kombension, naresibi niamo an komentong ini: “An mga tugang na lalaki asin babae nag-oswag na marhay sa saindang paggubing, pag-alinyar, asin paggawe sa kombension sa taon na ini. . . . Minsan siring, igwa pa man giraray nin . . . mga ugale na nangangaipo nin dugang pang pag-oswag.” Pakatapos nin saro pang kombension irineport na an bakong mabining paggubing narisang marhay. Sinabi kan report na an nagkapirang bakong Saksi na presente nakariparo man kan bakong mabining paggubing. An gubing kan nagkapira kapwa garo kinulang na marhay sa tela asin yapit na marhay.
20 An mayoriya sa mga tugang na lalaki asin babae nagsusulot nin mabining gubing mantang nasa lugar kan kombension. Minsan siring, pagkatapos, sa mga hotel asin restawran, an nagkapirang tugang na lalaki asin babae, na surusulot pa an saindang mga badge, nakasulot nin “blusang garo sando, daan na maong, halipoton na media-pantalon . . . asin sunod sa usong gubing na bakong angay sa banwaan nin Dios.” Kun mariparo kan kamagurangan na an nagkapira may tendensiang maggubing nin arog kaini durante nin pagpahorohayahay, marahay na magtao nin maboot alagad marigon na hatol bago kan kombension na an siring na pagbado bakong angay, nangorogna bilang mga delegadong nag-aatender sa sarong Kristianong kombension. Tabi repasohon sa saindong mga estudyante sa Biblia na maatender sa kombension an mga giya sa paggawe asin paggubing na sinarosaro sa enotan.
21 Pagpapadanay na Malinig an Satong mga Palibot: Dakol an nagkomento sa kalinigan kan banwaan ni Jehova sa mga kombension. Papagdanayon niato an halangkaw na pamantayan na ini, na dai nag-aapon nin papel, mga patos nin dulse, o ibang lalagan, sa salog. Maninigong tokdoan kan mga magurang an saindang mga aki na dai mag-apon nin mga pamatos na papel sa salog. Bago pumuli sa harong sa banggi, mangalagkalag sa palibot kan saindong tukawan asin puroton an ano man na ramog sa palibot asin ibugtak iyan sa tamang mga basurahan o darahon sa harong tanganing ikatapok iyan duman. Kun paanong pinapagdadanay tang areglado asin malinig an satong Kingdom Hall, gibohon ta man iyan sa satong mga pasilidad kan kombension.
22 Sekular na Trabaho: Kita nag-aatender sa kombension tanganing umako nin espirituwal na kakanon. Kun siring iyan bakong panahon na mag-isip na makaganansia o magpabakal nin mga gamit para sa personal na pakinabang paagi sa pag-aprobetsar sa dakulang mga kadaklan na minaatender. Sa giraray mawot niamong ipagirumdom sa gabos na dai itotogot an pagpabakal nin personal na mga kagamitan sa laog kan lugar nin kombension, asin solamente mga kagamitan sana kan Sosyedad an itotogot sa bookroom o ibang departamento sa kombension.
23 Mga Kasangkapan sa Pagrekord: Tabi girumdomon, kun nagpaplano kamong gumamit nin mga camcorder o ano man na ibang klaseng kasangkapan sa pagrekord, magpaheling nin konsiderasyon duman sa mga nasa palibot nindo. An pagparalakawlakaw nindo durante kan mga sesyon o minsan an pagrekord sa saindong tukawan puedeng makaribaraw sa iba. Dai nin ano man na klase nin kasangkapan sa pagrekord na itatakod sa saksakan nin koryente o sound system, ni maninigo man na makaolang sa mga inaagihan.
24 Tukawan: Sa “Diosnon na Takot” na Pandistritong Kombension kan 1994, nariparo daw nindo an pag-oswag dapit sa pagreserba nin mga tukawan? Nagibo an pag-oswag, alagad kaipuhan ta pa man giraray na magin puka sa pagirumdom na ini: AN MGA TUKAWAN IKARERESERBA SANA PARA SA MGA MIEMBRO KAN SAINDONG PAMILYA ASIN SA SIISAY MAN NA KAIBA NINDO SA BIAHE SA SAINDONG SASAKYAN. Kita yaon duman bilang mga bisita kan Sosyedad. An arkila sa auditoryum binayadan paagi sa boluntad na mga donasyon. Mamomoton asin makonsiderasyon daw na magreserba nin tukawan na dai ta segurado na maookupar?
25 An kada kombension nagmamaigot na magtao nin probisyon para sa mga maedad na asin baldado. Dai tabi magtukaw sa mga lugar na irineserba para sa sainda kun kamo dai man kualipikado. Siring man, magin alisto na tabangan an mga baldado na makakua nin tukawan kun sinda mayo nin kaibang saro na may paninimbagan sa pag-asikaso sa sainda.
26 Pag-asikaso kan Saindong mga Pangangaipo sa Pagkakan: Siring sa aram nindo, an suplemento sa An Satong Ministeryo sa Kahadean kan Mayo 1995 nagpaisi: “Poon sa 1995 pandistritong mga kombension asin sa Setyembre 1995 pansirkitong mga asamblea asin espesyal na mga aldaw nin asamblea, mayo nin ipupuestong pagkakan. An kada saro dapat na magdara nin saiyang sadiring pagkakan asin inomon.” Dangan ipinaliwanag kan suplemento kun taano ta ginibo an pagliliwat na ini asin nagtao iyan nin mga suhestion kun paano an lambang saro puedeng maasikaso an sadiri niang mga pangangaipo sa pagkakan asin inomon sa kombension. Tabi repasohon an suplemento sa siisay man na estudyante sa Biblia na nagpaplanong mag-atender tanganing maaraman ninda na maninigo sindang magdara kan sadiri nindang kakanon asin inomon sa kombension.
27 Tanganing idoon an nagkapirang nangongorog na punto, mamawoton nindong magirumdoman an isinuherir na mga bagay na ini na dadarahon para sa pahingalo sa odto: magian sa tulak, simple, asin masustansiang pangodtohan kaagid kan parateng binabalon nin mga tawo sa saindang sekular na trabaho. Puedeng kabale sa maiinom an kape, softdrinks, fruit juices, o ibinoteng tubig, sa bakong mapapasaon na lalagan o termos. Kun kaipuhan an sadit na mga cooler, iyan puede man kun iyan magkakaigo harani sa saindong tukawan asin dai makadidistorbo sa mga kataed. Minsan siring, dai maninigong magdara nin darakulang pampamilyang cooler, mga inomon na de alkohol, o mapapasaon na mga Ialagan sa laog kan pasilidad kan kombension. Maninigong likayan an pagkakan durante nin mga sesyon kan programa. Ini mapaheling nin kadaihan nin paggalang sa espirituwal na kakanon na ipinupuesto.
28 An saro pang dagdag na patanid iyo na dai puedeng magluto sa lugar kan kombension sa ano man na oras. Marahay na isipon nin seryoso an manongod sa bagay na an itinaong oras para sa pahingalo sa odto dinesenyo tanganing puede kitang makakakan nin magian na pamparepresko asin mag-ogma sa teokratikong asosasyon kaiba an satong mga tugang na lalaki asin babae. Bilang banwaan ni Jehova, minimidbid ta na an espirituwal na kakanon sa mga kombension mas mahalaga kun ikokomparar sa materyal na mga bagay, asin kita maninigong magplano sono dian.
29 Sa Disyembre 15, 1995, mapoon an enot sa “Magayagayang mga Paraomaw” na mga Pandistritong Kombension digdi sa Pilipinas. Tapos na daw nindo an saindong mga pag-andam, asin kamo daw andam nang makamtan an tolong aldaw na maogmang asosasyon asin marahay na espirituwal na mga bagay? Odok niamong ipinamimibi na bendisyonan ni Jehova an saindong mga paghihingoa na makaatender sa kombension sa taon na ini mantang iniisip-isip niato kun paano magin “Magayagayang mga Paraomaw” ki Jehova.
[Kahon sa pahina 6]
Mga Pagirumdom sa Pandistritong Kombension
Dadagusan: Mapadara kami nin suplay nin mga pormang Room Request sa kada kongregasyon, apuera sa mga nasa Metro Manila. An mga nangangaipo nin dadagosan maninigong llenaran an porma asin itao iyan sa sekretaryo kan saindong kongregasyon. Sisiyasaton asin pipirmahan nia iyan, dangan ipadadara iyan sa Watch Tower Convention sa saro kan mga adres na nasa ibaba.
Disyembre 15-17, 1995
Ilagan, Isabela: c/o Zosimo G. Linda, Baculod, Ilagan, 3300 Isabela.
Disyembre 22-24, 1995
Bauang, La Union: c/o Romeo Acosta, Calumbaya, Bauang, 2501 La Union.
Vigan, Ilocos Sur: Kingdom Hall, 54 Quirino Boulevard, Vigan, 2700 Ilocos Sur.
Alaminos, Pangasinan: c/o Isabelo Soriano, Alos, Alaminos, 2404 Pangasinan.
Binalonan, Pangasinan: c/o Manantan Technical School, Urdaneta, 2428 Pangasinan.
Bayombong, Nueva Vizcaya: c/o Artemio Bunuan, Market Site, Bayombong, 3700 Nueva Vizcaya.
Quezon City (1): P.O. Box 2044, 1099 Manila.
San Fernando, Pampanga (1): Kingdom Hall, 850 Juliana Subdivision, San Fernando, 2000 Pampanga.
Puerto Princesa City: Kingdom Hall, Malvar Street, 5300 Puerto Princesa City.
Lucena City: Kingdom Hall, 1 Granja Street, 4301 Lucena City.
Iriga City: c/o Leonardo de Villa, 38 Waling-waling Street, San Miguel, 4431 Iriga City.
Cavite City: Kingdom Hall, 497 Padre Pio Street, Caridad, 4100 Cavite City.
Tagbilaran City: c/o Felix Acma, 55 Airport Road, 6300 Tagbilaran City.
Maasin, Southern Leyte: c/o Conrado Balaga, Rosario Village, Asuncion, Maasin, 6600 Southern Leyte.
Bacolod City: c/o Francisco Antonano, Room 2 TG Building, Lacson Street, 6100 Bacolod City.
Dumaguete City: c/o Alexander Echon, 110-A Springville, Tubod, 6200 Dumaguete City.
Butuan City: Kingdom Hall, Rosales Street, 8600 Butuan City.
Kidapawan, North Cotabato: c/o Adolfo Adriatico, P. O. Box 34, Kidapawan, 9400 North Cotabato.
Surallah, South Cotabato: c/o Eugenio Ordanza, Poblacion, Surallah, 9512 South Cotabato.
Cabantian, Davao City: c/o Mariano B. Roman, Km. 1503, Diversion Road, Cabantian, 8000 Davao City.
Toril, Davao City: c/o Cayetano Hormillada, 187 Agton Street, Toril, 8000 Davao City.
Tangub City: c/o Charles Soronio, Post Office 7214, Tangub City.
Tantangan, South Cotabato: c/o Liberato Supnet, New Cuyapo, Tantangan, 9510 South Cotabato.
Disyembre 29-31, 1995
Baguio City: Kingdom Hall, 28 Rimando Road, 2600 Baguio City.
Lingayen, Pangasinan: c/o Rufo Macaraeg, Tonton, Lingayen, 2401 Pangasinan.
Paniqui, Tarlac: c/o Catalino Melegrito, 102 Samput, Paniqui, 2307 Tarlac.
Tuguegarao, Cagayan: c/o Santiago Panaga, 60 Public Market, Tuguegarao, 3500 Cagayan.
Quezon City (2): P.O. Box 2044, 1099 Manila.
San Fernando, Pampanga (2): Kingdom Hall, 850 Juliana Subdivision, San Fernando, 2000 Pampanga.
Pasay City: Kingdom Hall, 3160 Visita Street, Sta. Cruz, 1200 Makati City.
Marikina, Metro Manila: Kingdom Hall, 116 Roxas Street, Calumpang, Marikina, 1800 Metro Manila.
Masbate, Masbate: c/o Yolando Alburo, 56-K Tara Street, Masbate, 5400 Masbate.
Sta. Cruz, Laguna: Kingdom Hall, Highway, Bubukal, Sta. Cruz, 4009 Laguna.
Iloilo City: Kingdom Hall, Jereos Street, La Paz, 5000 Iloilo City.
Cebu City: c/o Parcon’s Machine Shop, Bagumbayan Street, 6000 Cebu City.
Tacloban City: c/o Isabelo Tome, 185 M. H. del Pilar Street, 6500 Tacloban City.
General Santos City: Kingdom Hall, 8 Siniguelas Street, 9500 General Santos City.
Mati, Davao Oriental: c/o Norberto Morales, 2851 Ravelo Compound, Matiao, Mati, 8200 Davao Oriental.
Tagum, Davao Norte: c/o Gil Cadeliña, 1034 Rizal Street, Tagum, 8100 Davao Norte.
Digos, Davao Sur: Kingdom Hall, Lim Extension, Digos, 8002 Davao Sur.
Cagayan de Oro City: c/o Nicolas Reymundo, Jr., 52 Vamenta Blvd., Carmen, 9000 Cagayan de Oro City.
Tandag, Surigao Sur: c/o Toribio Bernardino, Dawis, Tandag, 8300 Surigao Sur.
Zamboanga City: Kingdom Hall, 541 San Jose Road, Baliwasan, 7000 Zamboanga City.
Bautismo: An mga kandidato sa bautismo maninigong nasa tukawan na ninda sa sinabing lugar bago pumoon an programa sa Sabadong aga. Nariparo na an nagkapira nagsusulot nin mga klase nin gubing na bakong disente asin nagpapababa sa okasyon. An mabining pankarigos asin tuwalya maninigong darahon kan kada saro na nagpaplanong magpabautismo. An mga magurang sa kongregasyon na nagrerepaso sa mga kandidato sa bautismo kan mga hapot sa librong Our Ministry maninigong siertohon na an kada saro nasasabotan an mga puntong ini. Pakatapos kan pahayag sa bautismo asin pamibi kan espiker, an tsirman kan sesyon matao nin halipot na mga instruksion sa mga mapabautismo dangan mapakanta. Pakatapos kan ultimong berso, gigiyahan kan mga attendant an mga mapabautismo sa lugar nin pagbautismo. Mantang an bautismo bilang simbolo nin pagdusay sarong dayupot asin personal na bagay sa pag-oltanan kan indibiduwal asin ni Jehova, mayo nin probisyon para sa inaapod na magkaparehang mga bautismo na kun saen an duwa o mas dakol pang kandidato sa bautismo nagkukurugosan o nagkakarapotan nin kamot mantang binabautismohan.
Badge Cards: Isulot tabi an 1996 na badge card sa kombension asin mantang nagbibiahe paduman asin hale sa lugar kan kombension. Parateng ginigibo kaining posible na kita makatao nin marahay na patotoo mantang nagbibiahe. An mga badge card asin holder maninigong kuanon paagi sa saindong kongregasyon, mantang an mga iyan dai makukua sa kombension. Dai maghalat sagkod na pipira na sanang aldaw bago an kombension na humagad nin mga card para sa saindo asin sa saindong pamilya. Girumdomon na darahon an saindong pinakabagong Advance Medical Directive/Release card.
Pagboluntaryo: Huling mayo nang ipupuestong pagkakan, an dakol na dating nagtrabaho sa departamentong iyan puede na ngonyan na boluntaryong magtrabaho sa iba. Makatatagama daw kamo nin panahon sa kombension tangani na tumabang sa saro sa mga departamento? An paglilingkod sa satong mga tugang, minsan sa laog sana nin pirang oras, puedeng magin kapakipakinabang na marhay asin makapagtatao nin dakulang satispaksion. Kun puede kamong tumabang, magreport tabi sa Volunteer Service Department sa kombension. An kaakian na dai pang 16 anyos puede man na makakontribwir nin marahay paagi sa pagtrabaho na ginigiyahan nin magurang o iba pang responsableng adulto.
Mga Patanid: Magdanay na alisto sa potensial na mga problema tanganing malikayan an dai kaipuhan na mga kadepisilan. Sa parate pinupunteriya kan mga parahabon an mga tawong mayo sa sadiri nindang lugar. Siertohon na an saindong sasakyan barat sa gabos na oras, asin nungkang magwalat nin ano man na naheheling na makasusugot sa saro na manlaog. An mga parahabon asin mandurukot isinesentro an saindang atension sa darakulang katiriponan. Bakong madonong na magwalat nin ano man na may halaga sa saindong tukawan. Dai kamo makasesegurado na an gabos sa palibot nindo Kristiano. Taano ta matao nin sugot? Naresibi an mga report manongod sa mga pagprobar kan nagkapirang tagaluwas na akiton an mga aki parayo. ARAMON KUN YAON SAEN AN SAINDONG MGA AKI SA GABOS NA PANAHON.
[Kahon sa pahina 6]
Mga Pagirumdom sa Pandistritong Kombension
Dadagusan: Mapadara kami nin suplay nin mga pormang Room Request sa kada kongregasyon, apuera sa mga nasa Metro Manila. An mga nangangaipo nin dadagosan maninigong llenaran an porma asin itao iyan sa sekretaryo kan saindong kongregasyon. Sisiyasaton asin pipirmahan nia iyan, dangan ipadadara iyan sa Watch Tower Convention sa saro kan mga adres na nasa ibaba.
Disyembre 15-17, 1995
Ilagan, Isabela: c/o Zosimo G. Linda, Baculod, Ilagan, 3300 Isabela.
Disyembre 22-24, 1995
Bauang, La Union: c/o Romeo Acosta, Calumbaya, Bauang, 2501 La Union.
Vigan, Ilocos Sur: Kingdom Hall, 54 Quirino Boulevard, Vigan, 2700 Ilocos Sur.
Alaminos, Pangasinan: c/o Isabelo Soriano, Alos, Alaminos, 2404 Pangasinan.
Binalonan, Pangasinan: c/o Manantan Technical School, Urdaneta, 2428 Pangasinan.
Bayombong, Nueva Vizcaya: c/o Artemio Bunuan, Market Site, Bayombong, 3700 Nueva Vizcaya.
Quezon City (1): P.O. Box 2044, 1099 Manila.
San Fernando, Pampanga (1): Kingdom Hall, 850 Juliana Subdivision, San Fernando, 2000 Pampanga.
Puerto Princesa City: Kingdom Hall, Malvar Street, 5300 Puerto Princesa City.
Lucena City: Kingdom Hall, 1 Granja Street, 4301 Lucena City.
Iriga City: c/o Leonardo de Villa, 38 Waling-waling Street, San Miguel, 4431 Iriga City.
Cavite City: Kingdom Hall, 497 Padre Pio Street, Caridad, 4100 Cavite City.
Tagbilaran City: c/o Felix Acma, 55 Airport Road, 6300 Tagbilaran City.
Maasin, Southern Leyte: c/o Conrado Balaga, Rosario Village, Asuncion, Maasin, 6600 Southern Leyte.
Bacolod City: c/o Francisco Antonano, Room 2 TG Building, Lacson Street, 6100 Bacolod City.
Dumaguete City: c/o Alexander Echon, 110-A Springville, Tubod, 6200 Dumaguete City.
Butuan City: Kingdom Hall, Rosales Street, 8600 Butuan City.
Kidapawan, North Cotabato: c/o Adolfo Adriatico, P. O. Box 34, Kidapawan, 9400 North Cotabato.
Surallah, South Cotabato: c/o Eugenio Ordanza, Poblacion, Surallah, 9512 South Cotabato.
Cabantian, Davao City: c/o Mariano B. Roman, Km. 1503, Diversion Road, Cabantian, 8000 Davao City.
Toril, Davao City: c/o Cayetano Hormillada, 187 Agton Street, Toril, 8000 Davao City.
Tangub City: c/o Charles Soronio, Post Office 7214, Tangub City.
Tantangan, South Cotabato: c/o Liberato Supnet, New Cuyapo, Tantangan, 9510 South Cotabato.
Disyembre 29-31, 1995
Baguio City: Kingdom Hall, 28 Rimando Road, 2600 Baguio City.
Lingayen, Pangasinan: c/o Rufo Macaraeg, Tonton, Lingayen, 2401 Pangasinan.
Paniqui, Tarlac: c/o Catalino Melegrito, 102 Samput, Paniqui, 2307 Tarlac.
Tuguegarao, Cagayan: c/o Santiago Panaga, 60 Public Market, Tuguegarao, 3500 Cagayan.
Quezon City (2): P.O. Box 2044, 1099 Manila.
San Fernando, Pampanga (2): Kingdom Hall, 850 Juliana Subdivision, San Fernando, 2000 Pampanga.
Pasay City: Kingdom Hall, 3160 Visita Street, Sta. Cruz, 1200 Makati City.
Marikina, Metro Manila: Kingdom Hall, 116 Roxas Street, Calumpang, Marikina, 1800 Metro Manila.
Masbate, Masbate: c/o Yolando Alburo, 56-K Tara Street, Masbate, 5400 Masbate.
Sta. Cruz, Laguna: Kingdom Hall, Highway, Bubukal, Sta. Cruz, 4009 Laguna.
Iloilo City: Kingdom Hall, Jereos Street, La Paz, 5000 Iloilo City.
Cebu City: c/o Parcon’s Machine Shop, Bagumbayan Street, 6000 Cebu City.
Tacloban City: c/o Isabelo Tome, 185 M. H. del Pilar Street, 6500 Tacloban City.
General Santos City: Kingdom Hall, 8 Siniguelas Street, 9500 General Santos City.
Mati, Davao Oriental: c/o Norberto Morales, 2851 Ravelo Compound, Matiao, Mati, 8200 Davao Oriental.
Tagum, Davao Norte: c/o Gil Cadeliña, 1034 Rizal Street, Tagum, 8100 Davao Norte.
Digos, Davao Sur: Kingdom Hall, Lim Extension, Digos, 8002 Davao Sur.
Cagayan de Oro City: c/o Nicolas Reymundo, Jr., 52 Vamenta Blvd., Carmen, 9000 Cagayan de Oro City.
Tandag, Surigao Sur: c/o Toribio Bernardino, Dawis, Tandag, 8300 Surigao Sur.
Zamboanga City: Kingdom Hall, 541 San Jose Road, Baliwasan, 7000 Zamboanga City.
Bautismo: An mga kandidato sa bautismo maninigong nasa tukawan na ninda sa sinabing lugar bago pumoon an programa sa Sabadong aga. Nariparo na an nagkapira nagsusulot nin mga klase nin gubing na bakong disente asin nagpapababa sa okasyon. An mabining pankarigos asin tuwalya maninigong darahon kan kada saro na nagpaplanong magpabautismo. An mga magurang sa kongregasyon na nagrerepaso sa mga kandidato sa bautismo kan mga hapot sa librong Our Ministry maninigong siertohon na an kada saro nasasabotan an mga puntong ini. Pakatapos kan pahayag sa bautismo asin pamibi kan espiker, an tsirman kan sesyon matao nin halipot na mga instruksion sa mga mapabautismo dangan mapakanta. Pakatapos kan ultimong berso, gigiyahan kan mga attendant an mga mapabautismo sa lugar nin pagbautismo. Mantang an bautismo bilang simbolo nin pagdusay sarong dayupot asin personal na bagay sa pag-oltanan kan indibiduwal asin ni Jehova, mayo nin probisyon para sa inaapod na magkaparehang mga bautismo na kun saen an duwa o mas dakol pang kandidato sa bautismo nagkukurugosan o nagkakarapotan nin kamot mantang binabautismohan.
Badge Cards: Isulot tabi an 1996 na badge card sa kombension asin mantang nagbibiahe paduman asin hale sa lugar kan kombension. Parateng ginigibo kaining posible na kita makatao nin marahay na patotoo mantang nagbibiahe. An mga badge card asin holder maninigong kuanon paagi sa saindong kongregasyon, mantang an mga iyan dai makukua sa kombension. Dai maghalat sagkod na pipira na sanang aldaw bago an kombension na humagad nin mga card para sa saindo asin sa saindong pamilya. Girumdomon na darahon an saindong pinakabagong Advance Medical Directive/Release card.
Pagboluntaryo: Huling mayo nang ipupuestong pagkakan, an dakol na dating nagtrabaho sa departamentong iyan puede na ngonyan na boluntaryong magtrabaho sa iba. Makatatagama daw kamo nin panahon sa kombension tangani na tumabang sa saro sa mga departamento? An paglilingkod sa satong mga tugang, minsan sa laog sana nin pirang oras, puedeng magin kapakipakinabang na marhay asin makapagtatao nin dakulang satispaksion. Kun puede kamong tumabang, magreport tabi sa Volunteer Service Department sa kombension. An kaakian na dai pang 16 anyos puede man na makakontribwir nin marahay paagi sa pagtrabaho na ginigiyahan nin magurang o iba pang responsableng adulto.
Mga Patanid: Magdanay na alisto sa potensial na mga problema tanganing malikayan an dai kaipuhan na mga kadepisilan. Sa parate pinupunteriya kan mga parahabon an mga tawong mayo sa sadiri nindang lugar. Siertohon na an saindong sasakyan barat sa gabos na oras, asin nungkang magwalat nin ano man na naheheling na makasusugot sa saro na manlaog. An mga parahabon asin mandurukot isinesentro an saindang atension sa darakulang katiriponan. Bakong madonong na magwalat nin ano man na may halaga sa saindong tukawan. Dai kamo makasesegurado na an gabos sa palibot nindo Kristiano. Taano ta matao nin sugot? Naresibi an mga report manongod sa mga pagprobar kan nagkapirang tagaluwas na akiton an mga aki parayo. ARAMON KUN YAON SAEN AN SAINDONG MGA AKI SA GABOS NA PANAHON.