Kanta 191

Isapuso Nindo an Katotoohan

(2 Corinto 4:2)

1. Katotoohan dalan kan buhay niato.

Dai na nin mas maorog pa.

Sa pananao si Cristo an nagtokdo

’Nganing an gabos maogma.

Isapuso mo.

Pagtubod dugangan mo.

Paagi sa saimong paggawe,

Katotoohan isapuso.

2. Dios an enoton asin omawon pirme;

Kinaban bako nang katood.

Ipagngangalas an dalan mong pinili

Kan mga daing pagtubod.

Isapuso mo.

Kinaban isikwal mo.

Mantang minadolok ki Jehova,

Katotoohan isapuso.

3. An Diablo pirmeng magamit nin pandaya,

Pero sia puede mong labanan.

S’imong pagtubod proteksion na dakula;

Dai ka nia tatamaan.

Isapuso mo.

Pakaingat sa Diablo.

Isolog mo an kalasag nin Dios.

Katotoohan isapuso.

4. Laman maluya asin an puso tuso,

May makasalan na tendensia.

Manarig na ’yan mapapangganahan mo.

Katood mo si Jehova.

Isapuso mo.

Sa maraot rumayo.

’Nganing mapogolan an sadiri,

Katotoohan isapuso.