Kanta 66

An Puersa nin Kabootan

(Roma 2:4)

1. Kita pasalamat nanggad sa Dios

Sa kabootan nia

Sa makasalan na mgatawo.

’Yan namamatean ta!

Minsan sia makapangyarihan,

May labilabing kabootan.

Napaparani kita saiya

Na bilog an kaimbodan.

2. Sa pagtotokdo ni Jesu-Cristo,

Sia pirmeng kalmado,

Maboot sia sa mga maluya,

Mga menus na tawo.

Pagtotokdo niang mamomoton,

Napapagal nakaginhawa,

Mga makasalan nagsorolsol,

Nagdorolok ki Jehova.

3. Dapat na ipaheling niato an

Bungang kabootan,

’Nganing kita makaarog sa Dios,

Bendisyon kakamtan man.

Kun may mga problema kita,

Tibaad ’yan maresolberan

Paagi sa pagigin mahoyo

Asin may kabootan man.

4. May dakulaon na karahayan

Kun masabotan ta

Na an kabootan igwang puersa,

Makosogon, tunay pa!

An nag-aako may bendisyon,

Nagtatao mas dakula pa.

Naoomaw nanggad si Jehova

Kun magin maboot kita.