Mga Pagirumdom sa Memorial

Maninigong tawan nin atension kan kamagurangan an minasunod na mga bagay sa pag-andam para sa Memorial:

◼ Seguradohon na an mga emblema dai ililibot sagkod na dai pa minasolnop an saldang.

◼ Maninigo na igwa na asin andamon na nin patienot an tamang klase nin tinapay asin arak na gagamiton.—Helingon an Torrengbantayan na Pebrero 15, 2003, pahina 14-15.

◼ Maninigong darahon na sa tiriponan asin areglaron na antes pa an mga plato, mga kopa o baso nin arak, asin angay na lamesa patin mantel.

◼ Maninigong linigan nang marhay antes pa an Kingdom Hall o ibang lugar na tiriponan.

◼ An mga attendant asin maserbi kan mga emblema maninigong pilion asin tawan na nin instruksion antes pa manongod sa saindang mga obligasyon, sa tamang prosedimiento na dapat sunodon, saka sa pangangaipo na maggubing asin magpakarhay kan sadiri sa may dignidad na paagi.

◼ Maninigong gumibo nin mga areglo na serbihan nin mga emblema an siisay man sa mga linahidan na maluya an hawak asin dai kayang umatender.

◼ Kun labi sa sarong kongregasyon an nakaiskedyul na magamit kan sarong Kingdom Hall, maninigong magkaigwa nin marahay na koordinasyon an mga kongregasyon tangani na malikayan an dai kinakaipuhan na pagsurusuan sa entrada, sa mga gilid nin tinampo, asin sa paradahan.

◼ Kun gagamiton an ibang lugar na tiriponan, seguradohon na magkakaigwa nin tamang sound system tanganing madangog kan gabos na maatender an ispiker.