Maimbod na mga Babae, mga Tugang na Kristiana

1. Sara, Maria, Rut, Ester, Debora​—

Mga agom sindang may kaimbodan,

Mga babaeng midbid ta sa ngaran;

Diosnon na debosyon enot sa buhay.

An iba pa dai nginaranan.

Sinda inoyonan; an pagtubod tunay.

2. Sinda maimbod, igwang kabootan,

May kosog nin boot, karahayan man.

Sinda mga babae na arogan

Sa mga ugale na nasambitan.

An mga Kristianang arog ninda,

Paglingkod maigot na may kaogmahan.

3. Tugang, agom, aki, ina, o balo,

Naglilingkod kamong may kaogmahan.

Hababa an boot, may kabinian,

Dai nanggad matakot, Dios matabang.

Logod na kamo ingatan nin Dios.

Pagtubod marigon, an premyo kakamtan.