KABTANG 8

Paano Ka Makikinabang sa Kagadanan ni Jesus?

Nagadan si Jesus para mabuhay kita. Juan 3:16

Mga babaying nakahiling sa daing laog na lulubngan ni Jesus

Tulong aldaw pagkagadan ni Jesus, may mga babaying nagduman sa lulubngan niya, pero mayo na iyan nin laog. Binuhay ni Jehova si Jesus.

Si Jesus kan nagpahiling siya sa saiyang mga apostol, dangan kan magsakat siya sa langit

Dangan, nagpahiling si Jesus sa mga apostol niya.

Iyo, binuhay ni Jehova si Jesus bilang sarong makapangyarihan, imortal na espiritung linalang. Nahiling kan mga disipulo ni Jesus an pagsakat niya sa langit.

Binuhay liwat nin Diyos si Jesus asin ginibo siyang Hadi kan Kahadian nin Diyos. Daniel 7:13, 14

Sa saiyang trono sa Kahadian, pinapamahalaan ni Jesus an mga tawo sa paraisong daga

Itinao ni Jesus an buhay niya bilang pantubos para sa katawuhan. (Mateo 20:28) Paagi sa pantubos na iyan, pinagin posible nin Diyos na mabuhay kita nin daing katapusan.

Si Jesus an pinili ni Jehova na magin Hadi para mamahala sa bilog na daga. Makakaibanan niya an 144,000 na maimbod na mga tawo na binuhay liwat hali sa daga pasiring sa langit. Si Jesus asin an 144,000 an minabilog sa matanos na langitnon na gobyerno—an Kahadian nin Diyos.—Kapahayagan 14:1-3.

Gigibuhon kan Kahadian nin Diyos na paraiso an daga. Mawawara na an giyera, krimen, pagtios, asin gutom. An mga tawo magigin tunay na maugma.—Salmo 145:16.