Magdanay na Mapagbantay Asin Aktibo sa Espirituwal Dawa Nagbago an Saimong Kamugtakan

Dai malilikayan an mga pagbabago, lalo na ngunyan na nasa huring mga aldaw na kita. (1Co 7:31) Inaasahan man niyato iyan o dai, marahay man iyan o maraot, an mga pagbabago sa satong kamugtakan puwedeng makaulang sa satong pagsamba asin makaraot sa relasyon niyato ki Jehova. Ano an makakatabang sa sato na magdanay na mapagbantay asin aktibo sa espirituwal dawa nagbago an satong kamugtakan? Hilingon an video na Nagdadanay na Makusog sa Espirituwal Dawa Nagbalyo sa Ibang Lugar, dangan simbagon an minasunod na mga hapot:

• Anong sadol an sinabi nin sarong brother sa ama kan pamilya?

• Paano nakatabang sa pamilya an prinsipyo na nasa Mateo 7:25?

• Paano patiinot na nagplano an pamilya bago sinda bumalyo, asin paano ini nakatabang sa sainda?

• Ano an nakatabang sa pamilya tanganing maka-adjust sa bago nindang kongregasyon asin teritoryo?

Anong dai pa sana nahahaloy na dakulang mga pagbabago an naeksperyensiyahan ko?

Paano ko maiaaplikar sa sitwasyon ko an mga prinsipyo na nasa video?