Paglinaw kan Praktikal na Halaga kan Impormasyon

Talinhaga 3:21

SUMARYO: Tabangan an mga nagdadangog na masabutan kun paano an saimong tema makakaapekto sa saindang buhay asin kun ano an dapat nindang gibuhon sa saindang nanudan.

KUN PAANO GIGIBUHON:

• Isipon an mga magdadangog. Isip-isipon kun taano ta kaipuhan nindang madangog an sasabihon mo, asin pag-isipan kun anong punto sa saimong tema an partikular na mapapakinabangan ninda.

• Sa bilog na presentasyon, ipahiling sa mga nagdadangog kun ano an dapat nindang gibuhon. Sa puon pa sana, dapat masabi na kan lambang nagdadangog, ‘Tamang-tama ini sakuya.’ Mantang ipinapaliwanag mo an kada panginot na punto, ipahiling kun paano iyan iaaplikar. Magin espesipiko.