LEKSIYON 1

Epektibong Introduksiyon

Gibo 17:22

SUMARYO: Sa saimong introduksiyon, pukawon an interes kan mga nagdadangog, linawon kun ano an tema, asin ipahiling kun taano ta dapat sindang magin interesado diyan.

KUN PAANO GIGIBUHON:

Pukawon an interes kan mga nagdadangog. Pumili nin hapot, mga tataramon na sasabihon, totoong eksperyensiya, o bareta na diyan magigin interesado an mga nagdadangog.

Patiinot na pag-isipan kun ano an mga pinagkakainteresan asin iniisip kan mga magdadangog asin ibagay diyan an saimong introduksiyon.
Linawon kun ano an tema. Sa introduksiyon mo, siguraduhon na magin malinaw sa mga nagdadangog kun ano an saimong tema asin an katuyuhan kaiyan.
Ipahiling kun taano ta importante an tema. Ibagay an sasabihon mo sa mga pangangaipo kan mga nagdadangog. Dapat na malinaw nindang masabutan kun paano personal na makakatabang sa sainda an tema.

Mantang naghahanda nin pahayag, haputon an sadiri, ‘Anong mga sitwasyon an inaagihan kan mga tugang sa samong kongregasyon?’ Dangan, ibagay an saimong introduksiyon sa saindang mga pangangaipo.