“Saro Sana an Tataramon sa Bilog na Kinaban”

11:1-4, 6-9

Iwinarak ni Jehova kaidto sa Babel an masinuway na mga tawo paagi sa pagribaraw kan saindang lengguwahe. Ngunyan, tinitipon niya an sarong dakulang kadaklan hali sa gabos na nasyon saka lengguwahe asin tinatawan sinda nin “dalisay na lengguwahe” tanganing “gabos sinda mag-apod sa pangaran ni Jehova, para maglingkod sinda sa saiya na may pagkasararo.” (Sof 3:9, NW; Kap 7:9) An “dalisay na lengguwahe” iyo an katotoohan manungod ki Jehova asin sa saiyang mga katuyuhan na mahihiling sa Kasuratan.

An pag-adal nin sarong bagong lengguwahe bako sanang pagtuom nin bagong mga tataramon. Kaipuhan diyan na manudan an sarong bagong kaisipan o paagi nin pag-iisip. Kaagid kaiyan, mantang nakakanuod kita kan dalisay na lengguwahe kan katotoohan, nababago an satong kaisipan. (Ro 12:2) Saro ining nagpapadagos na proseso na minaresulta nin pagkasararo sa tahaw kan banwaan nin Diyos.—1Co 1:10.