Ano an Sinasabi kan Bibliya?
Magkakaigwa pa daw nin tunay na hustisya digdi sa daga?
Ano an isisimbag mo? Iyo
Dai
Siguro
An sabi kan Bibliya
“Aram kong marhay na susurugon ni Jehova an mga hamak asin tatawan nin hustisya an mga pobre.” (Salmo 140:12, NW) An Kahadian nin Diyos iyo an madara nin tunay na hustisya sa daga.
Ano pa an manunudan ta sa Bibliya?
Nahihiling nin Diyos an mga nangyayaring inhustisya sa kinaban, asin itatanos niya iyan.—Parahulit 5:8.
An hustisya nin Diyos madara nin katuninungan asin katiwasayan sa daga.—Isaias 32:16-18.
May pinapaburan daw an Diyos na grupo nin mga tawo?
An sabi kan iba binibiyayaan nin Diyos an sarong partikular na grupo nin mga tawo mantang pinapadusahan naman an iba; naniniwala man an iba na pantay-pantay an pagtratar nin Diyos sa gabos na tawo. Ano sa hiling mo?
An sabi kan Bibliya
“An Diyos mayong pinapalain, kundi sa lambang nasyon an tawong natatakot sa saiya asin naggigibo nin matanos saiyang inaako.” (Gibo 10:34, 35) Sa paghiling nin Diyos, gabos na tawo pantay-pantay.
Ano pa an manunudan ta sa Bibliya?
An Bibliya igwa nin “maugmang bareta” para sa “gabos na nasyon asin tribo asin lengguwahe saka banwaan.”—Kapahayagan 14:6.